Толку беше од Џон Оливер во Кина

Главната тема на претпоследната епизода од „Минатата недела, вечерва“ беше кинескиот претседател Кси Џинпинг и таа беше разработена како што Џон Оливер тоа стандардно го прави: горе-долу хумор, горе-долу факти и задолжително да се вмеша Трамп. Неделава секое споменување на Џон Оливер е избришано од најголемата социјална мрежа во Кина, Веибо.

Освен пофалбите за постигнатото, Оливер го критикуваше Кси заради начинот на кој ја консолидирал власта, укинувањето на ограничувањето на мандати, цензура на интернет и слични критики што може да се упатат за кинеската држава.

По ова секоја референца и споменување на Џон Оливер и „Минатата недела вечерва“ по 12 јуни е целосно отстранета од Веибо.

Иако емисијата не се емитува во Кина, а Јутјуб е целосно блокиран во земјата, шоуто редовно се споделува и дискутира на тамошните видео платформи.

Она што не е познато е дали постапката е по барање на кинеските власти или компанијата тоа го има направено на своја рака како предострожност. Во март кинеските власти забранија една кинеска он-лајн платформа (налик Куора) заради недоволно цензурирање содржини.

Сегментот за Кси Џинпинг:

 

22 јуни 2018 - 14:16