Пораки од Хилари

Главната улога во најновото интернет меме, ја има најмоќната жена во американската администрација (по функција, не по брак), Хилари Клинтон.

Двете фотографи кои го креираа мемето се направени во воениот авион Ц17, со кој Хилари во октомври леташе за Триполи. Фотографиите се на фото-репортерите на Ројтерс и Тајм.

Кога тие прв пат беа објавени, Хилари доби лоши коментари, дека изгледа уморно и преработено. На страна сеирскиот дел, ова меме успеа да ја рехабилитира Хилари и да и даде вистинско светло на нејзината решителност и немилосрдност.

Пред 4 години, Хилари беше исмевана како пресметлива и еднолична, посебно во споредба со младиот и жесток Барак Обама и релативно новата Сара Палин. Сега нејзиниот имиџ доби неочекувана помош од интернет шега.

"Ова е повеќе од само подобрување на имиџот. Клинтон доживува вистинска ренесанса. Пред 4 години нејзиниот студен и бездушен стил беше една од нејзините најголеми слабости. Сега луѓето го почитуваат тоа," пишува новинарот на Talking Points Memo, Бенџи Сарлин.

Слично мислење има и еден од авторите на Политико.

"Во ова меме се работи за почит. Додека на Обама, Бајден и Гејтс им побеле косата во изминатите години и го губат ентузијазмот, Клинтон доживеа ренесанса и сега изгледа помоќна и по сталожена од кога и да е," објаснува Дилан Бајерс.


Дел од монтажите:

 

11 април 2012 - 18:15