Пак Ердоган во Америка, и пак тепање

Неколку месеци откако личното обезбедување на Ердоган сред главниот град на САД, пред полиција, медиуми и што уште не, потече од ќотек една група анти-Ердоган демонстранти, турскиот претседател одлучи додека е во Њујорк да одржи говор. На говорот дојдоа нови демонстранти, ама и ново обезбедување (на тие од Вашингтон ДЦ привремено им е забранет влез во САД).

Ердоган имаше закажано говор во Мериот во Њујорк, во организација на турско-американски комитет. На сред говор, неименуван маж му се уфрла на турскиот претседател извикувајќи: "Ти си терорист. Излегувај од мојата држава."

Кратко по ова се прави гужва, а голем дел од публиката почнува да го извикува името на Ердоган за да ги задуши извиците од демонстрантите. Додека присутните навиваат за турскиот претседател, обезбедувањето и дел од публиката физички се пресметуваат со демонстрантите кои постепено се извадени од салата.

Целиот инцидент трае неколку минути.


 


 

via

 

22 септември 2017 - 11:36