Младата сензација со специфично име Ансу Фати веројатно ќе треба добро да ја запамeтиме. Детево доаѓа од африканската земја Гвинеја-Бисао, во Барселона се кали од 10 години и еве го на само 16 почнува да млати во прв тим.
На 31 август го постигна првиот гол за Барселона против Осасуна и со 16 години и 304 дена, стана најмладиот стрелец на Барса, како и трет најмлад стрелец во историјата на Ла Лига.
Синоќа против Валенсија стигна до нов рекорд. Фати постигна гол уште во 2 минута, а во 7-ма му асистираше на Де Јонг за 2:0. На тој начин стана најмлад играч во Лига со гол и асистенција на еден натпревар.
Со овие години, двојно помалку од Меси, да дадеш гол, да асистираш и вака лесно и самоуверено да играш за еден гигант пред толпа народ, значи дека тука се крие страшен потенцијал.
