Кој испадна, кој влезе, кој оди во Европа од најдобрите лиги

Фудбалската сезона во најдобрите европски лиги заврши, па време е за мала рекапитулација на состојбата во Англија, Шпанија, Италија, Германија, Франција, Холандија, Русија, Белгија, Турција, Португалија и Украина.

Испаѓањето на Емполи во Серија Б после три години е конечниот епилог на крајот од фудбалската сезона во најдобрите европски првенства.

ПРЕМИЕР ЛИГА - Шампион: Челси. Пласман во Лига на шампиони: Челси, Тотенхем, Манчестер Сити и Манчестер Јунајтед (како победник на Лига Европа). Во квалификации за ЛШ: Ливерпул. Директен пласман во Лига Европа: Арсенал. Квалификации за Лига Европа: Евертон.

Испаднаа: Хал Сити, Мидлзборо и Сандерленд. Нови премиерлигаши за 2017/2018: Брајтон, Њукасл и една помеѓу Ридинг и Хадерсфилд (финалето на баражот се игра на Вембли во моментов).

СЕРИЈА А - Шампион: Јувентус. Во Лига на шампиони: Јувентус и Рома. Во квалификации за Лига на шампиони: Наполи. Во Лига Европа директно: Аталанта и Лацио. Во квалификации за Лига Европа: Милан. Испаднаа: Емполи, Палермо и Пескара.

Пласман од Б во А за 2017/2018 обезбедија: Спал, Верона и една меѓу Карпи, Фрозиноне, Беневенто или Перуџа кои ќе играат во баражот.

ЛА ЛИГА - Шампион: Реал Мадрид. Во Лига на шампиони: Реал Мадрид, Барселона и Атлетико Мадрид. Во квалификации за ЛШ: Севиља. Во Европа Лига: Виљареал и Реал Сосиедад. Во квалификации за Лига Европа: Атлетик Билбао.

Испаднаа од лига: Гранада, Осасуна и Спортинг Хихон. Нови прволигаши за 2017/2018: Леванте и уште две екипи (Сегунда има уште неколку кола).

БУНДЕСЛИГА - Шампион: Баерн Минхен. Лига на шампиони: Баерн Минхен, Лајпциг и Борусија Дортмунд. Квалификации за ЛШ: Хофенхајм. Лига Евр: Келн и Херта Берлин. Квалификации за Лига Европа: Фрајбург.

Испаднаа: Инголштад и Дармштад. Бараж за промоција или испаѓање: Волфсбург - Брауншвајг. Нови бундеслигаши за 2017/2018: Штутгарт и Хановер 96.

ЛИГА 1 - Шампион: Монако. Лига на шампиони: Монако и ПСЖ. Квалификации за Лига на шампиони: Ница. Лига Европа: Лион. Квалификации за Лига Европа: Марсеј и Бордо.

Испаднаа: Лориен, Нанси и Бастија. Нови прволигаши: Стразбѕур, Амиен и Троја.

ЕРЕДИВИЗИЈА - Шампион: Феенорд. Во Лига на шампиони: Феенорд. Квалификации за ЛШ Ајакс. Лига Европа: Витезе (победник на Купот на Холандија). Квалификации за Лига Европа: ПСВ Ајндховен и Утрехт.

Испаднаа: Го Ахед Иглс и НЕЦ Најмеген. Нови прволигаши за 2017/2018: Венло и НАЦ Бреда.

ПРИМЕИРА-  Шампион: Бенфика. Лига на шампиони: Бенфика и Порто. Квалификации за Лига на шампиони: Спортинг Лисабон. Лига Европа: Викторија Гимараеш. Квалификации за Лига Европа: Брага и Маритимо.

Испаднаа: Арука и Национал. Нови прволигаши за 2017/2018: Портимоненсе и Санта Клара.

РУСИЈА ПРЕМИЕР ЛИГА - Шампион: Спартак Москва. Лига на шампиони: Спартак Москва. Квалификации за Лига на шампиони: ЦСКА Москва. Лига Европа: Локомотив Москва (како победник на Купот на Русија). Квалификации за Лига Европа: Зенит и Краснодар.

Испаднаа: Оренбург, Крилја Советов и Том Томск. Нови прволигаши за 2017/2018: Динамо Москва, Тосно и СКА-Енергија.

ТУРЦИЈА СУПЕР ЛИГА - Шампион: Бешикташ. Лига на шампиони: Бешикташ. Квалификации за Лига на шампиони: Башакшехир Истанбул. Квалификации за Лига Европа: Фенербахче и Галатасарај.

Испаднаа од Лига: Газијантепспор, Аданаспор и еден од Ризеспор и Бурсаспор (има уште едно коло до крајот а Бурса има 2 бода повеќе). Нови прволигаши за 2017/2018: Сиваспор и Јени Малатијаспор плус уште една екипа од плејофот (Ескишехирспор, Ѓезтепе, Болуспор, Гиренуспор).

БЕЛГИЈА - Шампион: Андерлехт. Лига на шампиони: Андерлехт. Квалификации за Лига на шампиони: Клуб Бриж. Квалификации за Лига Европа: Гент и еден од Остенде и Генк (мечот се игра во среда на 31. мај).

Испадна: Вестерло. Нов прволигаш за 2017/2018: Лирс.

УКРАИНА : Шампион - Шахтјор. Лига на шампиони: Шахтјор. Квалификации за Лига на шампиони Динамо Киев. Лига Европа: Зорја. Квалификации за Лига Европа: Олимпија Донецк и Олександрија или Черноморец Одеса (има уште едно последно коло).

Испаднаа: Днипро и Волин Лутск. Нови прволигаши за 2017/2018: Мариупол и Десна.