Дали луѓето стварно се шетаат така низ град? Па, кај нас тешко, во свет, најверојатно не толку често колку што сака серијата да прикаже. Ама продуцентите (меѓу кои и СЏП) и костимографката успеале да чувството за мода да го вткаат во нивниот главен лик, на начин на кој остава белег како ретко кога. Предизвик: да наброиме барем уште 3 серии или филмови каде што модата е како посебен лик што си бара сценарио.
Хинт: тешко.
Како и да е, во клипов, Сара Џесика Паркер зборува за 10 од милионте впечатливи комбинации, како настанале и како ги решиле. Дали се најдобрите во цела серија? Којзнае, колку што има жени, толку има и омилени комбинации. Ама на овие сигурно ќе ви текне.
Да, ги има и гаќите со плавиот мантил, и фустанот со принт од весници на Галијано што едвај успеале да го најдат и за во филмот и привезок на ланче „Алаху Акбар”. Чисто ако ве занима колку некои работи денес би поминале поинаку, но сепак ни е драго што се овековечени на телевизија.
Не, ја нема бундата со пижами, за жал.