Пријавете го овој кај Грците за иредентизам

Од нашиот највисок законодавен дом, во најфрагилните моменти на македонско-грчките односи, координаторот на пратеничката група на СДСМ неочекувано извика: „Македонија е една!“ (на крајот на излагањето додаде: „И една ќе биде!“). Или на тој човек ништо не му е јасно што деновиве се случува па на ауто-пилот го вергла она што го вергла, или пак си мисли, ако во оваа мала Македонија, за 9 месеци тој успеал да земе 9.454 евра евра за патни трошоци, како ли ќе му тргне живеачката кога на државен трошок ќе ја шпарта таа цела „една Македонија“!?

Па не може тоа така другари. Сега откако самите признавме дека сиве овие години и децении сме биле иредентисти,  при што тоа не важи само за оние будалетинки кои викале „Солун е наш“ и мафтале со хоум-меид знамиња туку тој иредентизам сме го имале во самите уставни редови, продолжувањето на ваквиот дрзок однос на некои парламентарци не придонесува кон штотуку изградените мостови на пријателство и сојузништво.

Така ли е? Така е.

Затоа, контакт со грчкото министерство за надворешни работи имате овде

 

24 јуни 2018 - 16:24