Инспиративни цитати

Ќе почнам со еден испиративен цитат:
„Колку ми е убаво кога чекам на шалтер во Завод за вработување".
- Никој, никад.

Ќе продолжам со изјави од истиот автор.


Уживам да чекам конобар сто саата.

Убаво е чувството кога ти се бутаат преку ред.

Она неповторливо блаженство на прединфарктна состојба кога ќе стигнеш на ред и ќе ти залепат ПАУЗА.

Обожавам кога сакам да поминам на пешачки, тргам, а коли ме вадат од памет.

Обожавам кога пешаци парадираат како ослободители, а јас вријам у кола.

И колата нема клима.

Најубавото кафе е кога е долго очекувано и со кисело-горчлив вкус од неисчистен кафемат.

Освежувачки е да шеташ на три недели незапрен дожд и да те испрска кола што влага у вир.

300 денари пијачка! Јес!

„Во моментов, нашите оператори се зафатени. Ве молиме почекајте". Јес!!!

Се видов прееска со Дејвид Линч, све го разбрав што кажа.

Да, г-ѓо што не ве познавам. Се согласувам дека работава што ќе ви ја завршам е пичкин дим и нема смисла да ми плаќате толку.

А, баш сакав цел ден да работам на тоа.

Го видов Фуфо у град.

Многу фино се осеќам кога учам.

Во петок имам испит. Едвај чекам!!!

Нема боље од каснење.

Нема боље од флека на бело.

Леле, не знаеш колку е згоден. Има од оние фраерскине пуштени нокти на малиот прст.

Еј, не знаеш колку е згодна девојка му. Со бркови, со природни веѓи, све.

Слободно дерете се и смејте се гласно да го надвикате цел кафич.

Се разбира дека е во ред да збориш на тежок и комплициран дијалект во државна институција.

Најбоље е кога нема ни да те удостојат со одговор на маил.

Уживам во тупаџиски текстови на интернет.

***
Супер ми е кога ми каснат луѓе на кафе. Успевам да си завршам некои обврски додека сум сама. На пример да напишам колумна.
- Јас

Останете инспирирани.

Јана

nultapozitiv@yahoo.com

26 февруари 2013 - 18:47