Првата Американка што направи троен-аксел на Олимпијада

Пред неколку дена се појави видео со малечката Мираи Нагасу, репрезентативка на САД во уметничко лизгање, која тренираше како ракетата на Илон Маск. Ретко кој претпоставувал дека неколку дена подоцна токму Мираи ќе стане првата Американка во историјата која го направи извонредниот трипл-аксел на ЗОИ.

Ова најпопуларно и мошне тешко вртење во далечната 1882 година го измислил Аксел Паулсен по кого е наречен овој неверојатен скок. Но тој направил само еден, сингл-аксел (едно вртење во скок).

Првиот трипл-аксел на првенството во САД го направила Тоња Хардинг во 1991-ва во Минесота.

Што се однесува до Олимпијадите, Мираи Нагасу е прва Американка (има нивно државјанство инаку е Јапонка) што го извела потегот, а севкупно трета лизгачка во историјата. Пред неа тоа го сториле само Јапонките Мидори Ито и Мао Асада.

Чудото на Нагасу за кое присутните не верувале што гледаат:

Со неверојатниот потег на Нагасу, тимот на САД во уметничко лизгање се избори за бронзен медал.

Мираи Нагасу е родена во 1993-та во Калифорнија. Нејзините биле имигранти од Јапонија но не се американски државјани. Нивната ќерка според јапонскиот закон морала да одбере едно државјанство пред нејзиниот 22. роденден, па таа го избрала американското. Во едно интервју таа раскажала дека дома зборуваат јапонски.

А за тоа што пред точно 20 години го направи Сурија Бонали на Олимпијда во Јапонија уште се зборува.

***
За неверојатната тежина на трократниот аксел.