Големиот Роџер без многу проблеми го реши прашањето на победникот на финалето и со солзи во очите ја прослави титулата која што ја освои и во 2003, 2004, 2005, 2006, 2007, 2009 и 2012.
Емотивен беше и Марин Чилиќ, кој на стартот на вториот сет се пожали на проблеми во стопалото каде му се појавиле рани. Болките го натераа да пушти некоја солза затоа што не можеше да се бори до крај, но откако го прими медицинскиот тајм-аут, Хрватот на сосема достоинствен и фер начин ја заврши средбата.
„Никогаш не сум се предавал во кариерата а така размислував и денес. Тоа е се што можев да сторам. Го играв најдобриот тенис во животот овде, фала на мојот тим кој ми даде многу сила но и на навивачите во Хрватска. Им беше тешко денес но се надевам дека ќе се вратам овде и ќе се обидам да направам повеќе“, изјави Марин Чилиќ после поразот во финалето.
Со денес подигнатиот пехар Роџер стигна дури до 19. Гренд слем титула со што е рекордер. Тоа му е втор Гренд Слем сезонава откако му се израдува и на Австралија Опен во јануари.
19 years after taking the junior title at Wimbledon, Roger Federer wins his 19th major championship. pic.twitter.com/8zr9HIacJy
— ESPN (@espn) July 16, 2017
Федерер има 35 години и се пошегува дека треба почесто да зема одмор и паузи затоа што одлично му оди после таков период. Трофејот од Вимблдон му е вкупно 93. во кариерата. Швајцарецот во Лондон дојде како петти тенисер на светот а од утре ќе го зазема третото место на АТП листата.
