Генералниот менаџер на Голден Стејт се расплака поради повредата на Дурент

И покрај сите неволји со кои се соочија, Вориорси на мускули го совладаа Торонто на гости 106:105 и намалија на 3-2 во финалната серија. Скапо го платија триумфот, зошто тешко се повреди лидерот на екипата.

После петтиот меч во серијата меѓу Торонто и Голден Стејт, генералниот менаџер на тимот од Охајо, Боб Мајерс одржа необична прес-конференција.

Мајерс, целиот задишан и вознемирен, зборуваше за повредата на ахиловата тетива. Во еден момент заплака кога кажа дека луѓето кои му дозволиле на Дурент да игра ровит, се многу добри луѓе и немале никаква лоша намера:

„Кевин ја повреди ахиловата тетива. Не знам колкав е степенот на повреда, утре ќе има магнетна резонанца. Пред да се врати на терен, тој помина четири недели со лекарите, се консултираше со разни специјалисти, слушна разни мислења. Нам ни кажаа дека опоравокот оди добро. Лекарите му дозволија да игра, тоа беше заедничка одлука...

Сметам дека никој не може да биде крив. Но знам како функционира светот и ако треба, можете да ме кривите мене. Јас сум одговорен за се.

Да ви кажам нешто за Кевин. Кевин Дурент обожава да игра кошарка. Така што тие што сомневаа дали тој сакал да се врати во екипата, згрешија. Тој е прекрасен соиграч, одличен човек. Се е толку неправедно. Многу ме погоди сево ова зошто го знам. Верувајте дека сите кои работеа со него и му дадоа дозвола да излезе на терен се добри луѓе“.

 

Претходно во текот на петтиот меч против Хјустон Рокетс Дурент го повреди десното колено и скоро еден месец беше надвор од терените. Менаџерот на тимот Боб Мајерс рекол дека таа повреда немала врска со повредата на ахиловата пета синоќа.

Дурент одигра 12 минути (без замена) и постигна 11 поени. На почетокот на втората четвртина тргна во дриблинг преку Серж Ибака и во еден момент падна на паркетот.

Ибака и соиграчите на Дурент од Голден Стејт му помогнаа на Кевин да стане и го изнесоа од теренот до соблекувалната. Притоа играчите на Торонто ги смируваа домашните навивачи кои гласно реагираа и се радуваа поради повредата на Дурент. 

Во еден момент дури и раперот Дрејк кој постојано е крај теренот и го бодри Торонто, го храбреше Дурент: 

Повредата на Дурент значи дека тој сигурно ќе пропушти голем дел од следната сезона, а финалето за него и дефинитивно е завршено. За три недели, еден од најдобрите кошаркари во НБА ќе стекне статус на слободен агент и ќе може да бира нова франшиза или да остане во Голден Стејт.

„Ме боли длабоко во душава, не можам да кријам, но кога ги видов браќата како ја однесоа победата беше исто ко да сум пиел шот текила, се препородив“, напишал Дурент после мечот.

[video:https://youtu.be/C1nT2xN7cwo

11 јуни 2019 - 11:35