Скршените очила на Јирген Клоп стојат во клупскиот музеј на Борусија

„Имам со црни рамки, добар модел, ама ме прават како сериски убиец“.

Пред две години официјалниот сајт на Бундеслига објави 5 главни моменти од историјата на Klassiker - дербито меѓу Баерн Минхен и Борусија Дортмунд.

На листата се најде и мечот од 26 февруари 2011 година кога Дортмунд првпат после 19 години го победи Баерн во Минхен со 1:3 а Нури Шахин толку многу се радуваше што му ги скрши скапоцените наочари на Клоп - Eschebach Titanflex.

Поради тоа, компанијата Eschenbach која го произведува овој познат бренд потпишала рекламен договор со Клоп.

А скршените очила на Клоп ги изложиле во клупскиот музеј на Борусија.

Освен наочари од Eschenbach, Клоп на клупата на Дортмунд носеше и наочари Persol PO3012V и Oakley Junkyard. Persol е италијански бренд а Клоп носел со сиви рамки.

Убаво му стоеја и оние од американскиот бренд Oakley кои чинат околу 121 долар:

Со преоѓањето во Англија каде седна на клупата на Ливерпул, Клоп почнал да носи Ray-Ban RX6295:

Во јануари 2016 година, при прославата на неверојатната победа над Норвич од 5:4 со гол во 95’ минута, Клоп повторно ги скршил очилата.

На следната прес-конференција дошол во нови очила и објаснил дека е истиот модел само друга боја. „Мене не ми се допаѓаат овие, црни се и со нив личам на сериски убиец“, се жалел Клоп на бојата на моделот Ray-Ban RX6295 кој чини околу 162 долари.

Денес Клоп одново носи очила од фирмата Oakley а прозрачниот модел е Pitchman R Carbon кој го носеше и на финалето од Лига на шампиони против Реал Мадрид. Цената на овој модел изнесува речиси 200 долари.