Проклетството во пенал сериите на Англија која го подобри скорот на 2:6

Последно нешто што сака да гледа англиската јавност на Светско или Европско е пенали во кои учествува нивната земја. Зошто? Затоа што во 28 години колку што им се паднало да изведуваат пенали во цела историја, синоќа само втор пат поминаа од вкупно осум обиди.

СП 1990, полуфинале
Западна Германија - Англија 1:1 (4:3)
По 120 минути тензија во Торино, Англичаните прв пат во историјата застануваат да изведуваат удари од белата точка и тоа за влез во финале на Светско. За Западна Германија погодија Бреме, Матеус, Ридле и Тон, а за Англија погодија Линекер, Бердсли и Плат, а промашија Пирс и Вадл.
 
ЕП 1996, четвртфинале
Шпанија - Англија 0:0 (2:4)
Втората серија ја изведуваа на домашен терен и таа им е единствената успешна се до вчера. Јеро ја погоди пречката, а Симан му ја фати на Анхел. За Шпанија погодија Амор и Белуз, а промашија Јеро и Анхел. За Англија погодија Ширер, Плат, Пирс и Гаскоњ.
 
ЕП 1996, полуфинале
Германија - Англија 1:1 (6:5)
Четири дена подоцна нови пенали за Англија, но овој пат неуспешни затоа што промаши само актуелниот селектор на Англија, Саутгејт. Инаку погодија Ширер, Плат, Пирс, Гаскоњ и Шерингам, а за Германија прецизни беа Хаслер, Струнз, Ројтер, Циге, Кунтс и Милер.
 
СП 1998, осминафинале
Аргентина - Англија 2:2 (4:3)
Меч кој се памети по соло голот на Овен, црвениот картон на Бекам и поништениот гол на Кембел. И во оваа серија имаше само едно промашување, она на Ники Бат откако погодија Ширер, Инс, Мерсон и Овен. За Аргентина прецизни беа Берти, Креспо, Верон, Галардо и Ајала.
 
ЕП 2004, четвртфинале
Португалија - Англија 2:2 (6:5)
За Португалија погодија Деко, Симао, Роналдо, Маниче, Постига и Рикардо, а промаши Руи Коста. За Англија прецизни беа Овен, Лампард, Тери, Харгривс и Кол, а утнаа Бекам и Васел.
 
СП 2006, четвртфинале
Англија - Португалија 0:0 (1:3)
Џабе толку ѕвезди кога од четворица англиски репрезентативци погоди само еден, а тоа е Харгривс. Утки забележаа Лампард, Џерард и Карагер. За Португалија погодија Сиамо, Постига и Роналдо, а промашија Виана и Петит.
 
ЕП 2012, четвртфинале
Англија - Италија 0:0 (2:4)
Составот на Рој Хоџсон имаше надежен старт бидејќи Италијанците први промашија, но на крајот сами си пресудија со утки п оред. За Англија погодија Џерард и Руни, а утнаа Јанг и Кол. За Италија погодија Балотели, Пирло, Ночерино и Дијаманти, а промаши Монтоливо.
4 јули 2018 - 11:59