Во меѓувреме претседателот на Наполи, Аурелио Де Лаурентис се пожали дека и покрај тоа што ги спуштиле цените на влезници, и натаму продажбата во еден Бари кој игра во трета лига е повисока од онаа во Неапол кој има вицешампион на Италија кој настапува во Лига на шампиони.
Интересно во целата ситуација е што стадионот „Сан Паоло“ е под надлежност на градот. Де Лаурентис имаше неколку обиди да го купи, но неуспешно. Сега постојано со години се спорат околу тоа кој е крив за катастрофалната состојба на стадионот изграден уште во 1959 година.
Еве ги соблекувалните на Наполи на 60-ина часа пред мечот со Сампдорија:
Queste le condizioni degli spogliatoi del Napoli dello stadio San Paolo, a 70 ore da #NapoliSampdoria, che hanno scatenato la reazione di @MrAncelotti contro Regione, Comune e Commissari. pic.twitter.com/YAROtscwIh
— Official SSC Napoli (@sscnapoli) September 12, 2019
„Видов во каква состојба се соблекувалните на Сан Паоло. Немам зборови. Го прифатив барањето на клубот да ги смениме домаќинствата за првите две средби надвор од дома за да може работите да бидат завршени на време како што беше ветено. Каде да смениме сега место за Сампдорија и Ливерпул? Шокиран сум од некомпетентноста на луѓето за оваа работа. Како може регионалните, општинските, градските комесари да го пробијат рокот кој го ветиле: Ова е непочит кон градскиот клуб. Шокиран сум“, рекол Анчелоти за клупскиот сајт на Наполи.
Од друга страна, Газета дело спорт ја контактирал архитектката Филомена Смираља која рекла:
„Јас сум збунета од изјавата на Анчелоти. Имавме посета во соблекувалните од потпретседателот на Наполи Едоардо де Лаурентис кој ја пофали работата пред работниците“.
Но клубот одново покажа во каков однос е со градските власти и одговори: „Наполи демантира дека Де Лаурентис ја пофалил архитектката Филомена Смираља за изведените работи во соблекувалните на Сан Паоло“.
Карло Перего од градот Типиесе кој е задолжен за надзор, рекол: „Не доцниме, сè е во ред, на време сме со договорените рокови“.
