Норвешкиот стратег дебитираше на клупата на Манчестер Јунајтед на 22 декември со гостински триумф над Кардиф од 1:5. Тоа беше прв пат овој тим да постигне 5 гола на меч во Премиер после оние 5:5 на Фергусон во мај 2013-та кога се повлече.
Потоа врза уште четири победи по ред и стана прв тренер на клубот кој стартувал со 5 од 5 после Сер Мет Базби во 1946-та. Серијата му продолжи со 6 победи во Премиер и вкупно 8 заедно со ФА Купот, а му заврши со 2:2 против Барнли на 29 јануари.
Со освоените 25 бода Солскјер стана тренер со најмногу освоени бодови во историјата на Премиер лигата откако седнал на тренерската клупа. Со гостинските 1:3 оствари уште еден клупски рекорд од 8 последователни гостински победи на сите натпреварувања.
И после целиот тој блескав почеток на младиот тренер, а не многу одамна џокер во нападот на Фергусон кој стартуваше со 14 победи на 19 меча, стигна и признанието од клубот. На 28 март му понудија три годишен договор.
Но што фајде од овие рекорди кои ако не ја оствари целта ќе стојат чисто само како историски факти. Во спротивно ќе имаат многу поголема тежина и ќе се заборават лошите кои се наредија.
Манчестер Јунајтед во последните месец и половина е во катастрофална серија со 7 порази на 9 меча, нешто што не им се случило од 1962-ра година, а имаат примено рекордни 50 гола колку што немаат примено претходно откако е формирана Премиер лигата.
Manchester United have conceded 50 league goals in a single season for the first time since the 1978-79 campaign (63).
— Coral (@Coral) April 24, 2019
They played 42 games back then. 👀 pic.twitter.com/npujfMzRnO
Па Ватфорд има примено 50, Кристал Палас 48, Лестер 47, Арсенал 46, Њукасл и Евертон 44, Вулверхемптон 43, Челси 38, Тотенхем 35...Добро тука одбрана е крива и под водство на Жозе.
А и во напад не се сјајни. Немаат дадено гол 4 часа и 40 минути, а од игра немаат постигнато погодок 8 часа и 47 минути.
Во лошата серија од само две победи на 9 меча, Јунајтед беше елиминиран во ФА купот од Вулверхемптон, потоа доби лекција по фудбал од Барселона во ЛШ и го доведе под знак прашалник четвртото место.
На табела се шести со 64 бода, Арсенал има 66, Челси 67, а Тотенхем 70. До крај играат со Челси и Кардиф дома и со Хадерсфилд на гости. И да освојат 9 бода тоа може нема да биде доволно ако не киксне никој од другите конкуренти за ЛШ.
После високиот пораз од Евертон од 4:0 излезе ова:
