Паралелата покажува на кое ниво била првата фудбалска лига во САД во 2008-ма и сега. Едноставно нема споредба и сè, ама буквално во секој сегмент одат напред.
Прво и основно МЛС е проширена од 14 на 23 екипи. Рекордната посетеност на натпревар е двојно поголема. Просечната плата по играч е зголемена три, а минималната четири пати.
Сè што се однесува во пари односно приходи им зголемено и тоа бајаги. Доказ за тоа какви фацки заиграа таму е следниот податок. Во 2008-ма имаа само четворица милионери од фудбалерите, а сега 48.
Од ѕвездите во поново време првото славно име беше Дејвид Бекам, а потоа Тјери Анри, Андреа Пирло, Стивен Џерард, Франк Лампард, Роби Кин, Давид Виља, Кака, Дидие Дрогба, Златан Ибрахимовиќ, Себастијан Џовинко, Бастијан Швајнштајгер, Вејн Руни, Ешли Кол...
А и еден тетовец е таму, Блерим Џемаили кој во 2017-та од Болоња на позајмица замина во Монтреал.
Погледнете им ја и атмосферата која ја прават навивачите на Атланта Јунајтед.
