Видео

А сега, Game of Guitars!
21 Мај 2019

Ауууу, каква епизода е па ова! Треба да се освои носечката композиција на Игра на тронови. Во коалицијата се ко-креаторот на серијата Ден Вајс, Том Морело (Aудиослејв/RATM), Скот Јан (Антракс), Нуно Бетенкорт (Екстрим), Бред Пеисли (кантри музичар) и авторот на саундтракот Рамин Џавади. Од оружје имаат гитари. Дали ја освоија? Вака Дани со она змејот не го беше спржила градот! Повеќе

За тие што сакаат да лажат и на вртење паричка
21 Мај 2019

Не е некоја си супермоќ што ќе го спаси светот, ама за малку вежбање може некогаш ќе ви заврши некоја работа или проблем што се решава со вртење паричка. Повеќе

Само Паљото остана автентичен
20 Мај 2019

Сме пишувале за тоа дека документарните тв канали се претворија во шкарт програма кога го прифатија форматот на реални шоуа (види: Де-еволуцијата на Дискавери или Како Shark Week стана исто ѓубре како и Дискавери). Само да потсетиме на веројатно најубедливиот видео доказ за тоа фејкерство. Кога оној бестрашен Bear Grylls покажува како се поминува преку опасен мост од лава. Почекајте, почекајте.  Повеќе

Можело и вака да се донира
20 Мај 2019

Роберт Ф Смит, милијардер и ЦЕО на Виста Еквити, деновиве доби почесен докторат од Морхаус колеџот на кој и тој своевремено има завршено. Смит не остана должен. Пазете ја реакцијата на студентите кога ќе им соопшти дека решил да ги плати сите нивни студентски кредити и долгови. А се работи, ни помалку ни повеќе, за 40 милиони долари. Повеќе

Ако мислите дека вие сте баксуз, не сте
19 Мај 2019

Видео сцена од еден несреќен сообраќаен удес. На една страна е побеснат Оптимус прајм, на друга, неколку луѓе од кои еден, посебно се издвојува. Не можат тие толку да го спасат колку што тој може да биде прегазен. Ако е преживеан, во моментов мора да е кај некоја бајачка.  Повеќе

Гризли без препреки
17 Мај 2019

Ако некогаш сте помислиле дека сте побрзи од мечка, да ве пишманиме додека не сте решиле да се пробате - не сте. Ниту побрзо пливате, ниту побрзо се качувате по дрвја. Ништо не сте „по“ од мечка. Повеќе

Овој сите ќе не закопа
16 Мај 2019

Во април Ролинг стоунс ја прекинаа турнејата затоа што му се слошило на Мик Џегер и мораше да му прават итна операција на срце. Сега сме средина на мај, Мик Џегер само што го објави ова видео. 75-годишниот Мик Џегер по операција на срце. Повеќе

Филџан мерак
15 Мај 2019

Нам ни изгледа како да се вика „кафе со облаче“, инаку е ексклузивно кинеска верзија на кафе (за сега) во која филџанот топло кафе се служи со топка шеќерен памук над неа. Кафето го топи „памукот“, сето тоа паѓа внатре, па е доволно благо за сите што го пијат „горко со пола лажичка шеќер“ (и веројатно подобро е на изглед отколку на вкус). Повеќе

За еден жмигавец
15 Мај 2019

Луис СиКеј (пред да почне инквизицијата) за скеч кажува: Јас кога сум во кола имам поинаков систем на вредности, тогаш сум најужасниот човек што можам да бидам. Овие двајца немаат скеч за кажување. Повеќе

Од бивша до самурај
14 Мај 2019

Тетовирањето има две важни правила: Прво, немој на себе да ја тетовираш девојка ти / дечко ти. Второ, ако не го послуша првото правило гледај да знаеш некој што добро црта самураи. Дечково на пример паднал на првото, ама има грб за второто. Повеќе

Џорџ Р.Р. Мартин пред цел свет да му се плаши
14 Мај 2019

Година 1998, Џорџ Р.Р. Мартин познат само по дома и ретко на кој друг, за време на некоја конвенција дава интервју за некоја нова книга што ја пишува со наслов „Судир на кралеви“, инаку втора книга од неговиот серијал „Песна за мразот и огнот“. Со нула подготвеност за зборење пред камера, и идентично искуство, Мартин меѓу другото планира дека за 5-6 години сите книги од серијалот ќе му бидат завршени. 21 година подоцна, уште не се. Повеќе

Зошто во „Рашче на Лос Анџелес“ има 96 милиони црни топки
13 Мај 2019

Не е испарување, не е некоја масовна завера за труење на масовни популации, туку краткиот одговор, како во многу вакви случаи, за жал е - рак. Во тамошниот водовод со години мислат дека немаат никаков проблем со квалитетот на водата, се додека еден нивен корисник (фабрика за безалкохолни пијалоци) не им се јави за да ги извади од памет. Повеќе

Рамбо, имај мирно море, добар ветар и јака батерија
13 Мај 2019

Проектот за кој известивме во 2016-та во статијата „Рамбо собира пари за соларен брод“ е финиширан и пловилото на Рамбо конечно накваси дупе. 20-минутна „репортажа“ од таа светковина, со блех- музика, со гусли, со све. Повеќе

За луѓе со дворови и желба нешто да направат
10 Мај 2019

Целиот концепт се базира на правење компост (а.к.а. ѓубриво за земја) и е спакувано доволно хипстерски за да излгеда како да е нешто револуционерно ново. Вака на прва изгледа како голема пластична кутија со дупки ставена во земја, во која го фрлаш целиот растителен отпад што ти останува по дома. И на видео личи како да врши работа. Повеќе

Кога Бентлито не ти е доволно руско
10 Мај 2019

Ако си коцкар лесно е, ставаш тоа заровите на ретровизор или на ѕивани, и на сите им е јасно дека си коцкар. Кога си Русин, работата е инстантно покомплицирана, па бара шмишајбни, чекани, работилница, ама за тоа и резултатот е многу поуверлив. Повеќе

На Зак не му е проблем тоа што паркирате на места за луѓе со хендикеп
9 Мај 2019

Пораката на видеото е - не паркирај таму каде што не е пишано дека ти треба да паркираш. Пораката на целата кариера на Зак Анер, што по пат неколку пати ја споменува во видеото е - „Being stuck is just a perspective.“ Повеќе

Одзатнувачот
8 Мај 2019

Меѓу милијардите часови видео материјал собрани на Јутјуб е и еден дечко (не се гледа на камера, ама во оваа професија секогаш е дечко, никако да дојде на ред некој да се побуни за еднаква родова застапеност во оваа индустрија) животно посветен на одзатнување шахти низ Америка. И како му оди? Со шахтите одлично, со Јутјуб исто не е лошо па видеата му собираат по стотици илајди прегледи. Повеќе

Паста вс. Италијанки
7 Мај 2019

Италијанки послужени со полуподготвена / замрзната паста. Најдоброто што можеа да го кажат за целото искуство: Можеби на Американци ќе им се допаѓа. Повеќе

Потеклото на Први Мај, по Јаран
6 Мај 2019

Малнар собира респектибилен панел интелектуалци и воведен збор му дава на Јаран, за тој да го објасни потеклото на Први Мај и да ни открие кој тоа бил најголем работник на сите времиња. Јебеш му матер ако Ноќна мора не се најбесценетата оаза на нормалност во овие шугави времиња. Повеќе

Реплика на реплика
3 Мај 2019

Она кога во дебатна емисија ќе фатат да се инаетат кој да го каже последниот збор на некоја тема? Е, тоа. Повеќе