Музејот на модерна уметност на Сан Франциско неодамна воведе нова услуга, наречена „Испрати ми“. Преку текстуална порака може да испратите краток опис на она што би сакале да го видите, а Музејот ви одговара со слика од својата колекција која е најблиску до вашето барање.
На бројот на Музејот можат да се испратат клучни зборови, име на автор или наслов на дело, боја, па дури и емоџи, а за возврат добивате слика на уметничко дело од колекцијата и придружна порака. На пример, одговорот на „Испрати ми океан“ може да е фотографијата под наслов „Ударен бран, Голден Гејт“ на Пиркл Џоунс, на „испрати ми нешто сино“ „Епонж“ од Ив Клајн, а на „испрати ми 💐' (емоџи за букет) „Внатрешен дијалог со Фрида Кало“ од Јасумаса Моримура (горе).
Целта на Музејот е да ги стави на увид сите 34.678 уметнички дела од својата колекција, а не само 5-те проценти кои се изложени во галериите во даден момент.
Според реакциите на оние кои ја пробале финтата ботот на Музејот е навистина креативен. Кој знае што испраќа ако му пишеш „испрати ми литро кочан ладна боза-боровница“.
