"Таа ја опфаќа страната на пластичната хирургија која останува претежно невидена и малку дискутирана, дури и во време кога пластичната хирургија стана далеку помалку приватна.
Медицинската реалност што таа ја претставува е сликовит потсетник за тоа што сè пациентите се подготвени да издржат во потрагата по магична трансформација.
Скокот од брчки до целосна анестезија изгледа незамислив за секој што го нема направено. А сепак се повеќе и повеќе луѓе го прават," пишува Линда Велс во текстот на Њујорк Магазин.
Според бројките на Американското друштво на естетски пластични хирурзи, не-хируршките интервенции (ботокс, ласер, пополнувачи) стануваат рутина, додека хируршките интервенции имаат раст во секој можен сегмент.
Фотографиите Гринфилд ги пакува во книга, придружена со сведоштва од пациентите. Насловот на книгата е “Generation Wealth”. Ова е дел од содржината:
Пациент: Мерилин
Процедура: Хемиски пилинг.
На 63 години, во 1998, Мерилин оди на пластичен хирург откако сфаќа дека е "многу несреќна со сопствениот изглед. Брчките околу устата се појавуваат пред неколку години, и почнуваат да се продлабочуваат."
Решава да направи хемиски пилинг, процедура која ја прават мал број доктори заради обемната обука што е потребна за тоа. За секоја процедура пациентот се става на седативи, а неговото лице се премачкува со комбинација од хемикалии, масти и вода. Хемикалиите ги горат горните слоеви од кожата, отстранувајќи ги кафеавите точки и брчките, а на место на изгореното ткиво почнуваат да се регенерираат нови клетки од кожа и да ги заменуваат старите.
"Во основа хемикалиите го претвораат лицето во отворена рана."
Пациент: Сидел
Процедура: Фејс-лифтинг
Сидел на 53 години закажува кај пластичен хирург, бидејќи не е задоволна од тоа како и изгледа кожата на вратот и околу очите. Смета дека изгледот влијае на нејзината претставителност и моќ, а дека стареењето значи губење на сопствениот идентитет. "Порано кога ќе влезев во соба се вртеа по мене. Кога бев во 20-те луѓе ме прашуваа дали сум модел. Сега ништо од тоа."
Хирургот прави подигање на лицето, вратот и очните капаци, плус третман на линиите околу нејзините очи и устата.
Пациент: Ипсилон
Процедура: Кревање на очните капаци и намалување на стомакот.
Пациент: Икс
Процедура: Потполно ласерско симнување на горниот слој на кожата на лицето и поткревање на очните капаци.
