Има ли вага во авионот?

Американски авиопревозник се избори за правото да ги мери своите патници. За подобро да ја распоределе тежината во леталото.

Американскиот департмент за транспорт ги одби поплаките на патниците на хавајскиот авиопревозник откако овие воведоа практика за нивно мерење при купувањето карти.

Ја вовеле откако по 6-месечно волонтерско мерење на клиентите, сфатиле дека тие сосе багажот тежат многу повеќе отколку што компанијата си замислувала. Што им правело поголеми трошоци за гориво, а попат им текнало тоа да го правдаат и со безбедносни причини, демек да можат поправилно да ја распоредат тежината.

Интересно е што оваа мерка е воведена на само една линија, меѓу Хаваи и Самоа. Самоанците важат за едни од најдебелите луѓе на светот. Дури и самоанскиот официјален авиопревозник пред три години ја има воведено оваа мерка, која, освен во овие два случаи, постои само уште во Узбекистан.

 

23 октомври 2016 - 14:54