Методот во нијансирани верзии е имплементиран во голем број јапонски компании. Во некои компанијата има канцелариски мачки, кучиња, па дури и кози и алпака, во други, на вработените им е дозволено на работа да ги носат своите миленичиња од дома.
Терапијата на залечување и смирување со животни се практикува и вон работната околина, па на пример само во Токио има околу 60 регистрирани кафулиња со мачки.
Она на што најмногу паѓаат вработените кај животните е нивната незаинтересираност за сета драма што се случува околу нив, и како едноставно само дремат по цел ден во целата таа гужва.
Проблем во ваквата работна околина? Како што на животните не им е гајле за ништо, така не им е гајле ни за тоа што ти го прекинале телефонскиот разговор или ти го исклучиле компјутерот од штекер.
