Добра и лоша храна за секоја деценија од вашиот живот

Како што со стареење еволуира твојот вкус за храна, така и твојот организам не се однесува исто кон една иста храна ако ја јадеш на 20 и ако ја јадеш на 60 години. Во основа колку повеќе старееш, толку е покревок организмот во однос на твоето мени. Ова се некои од правилата препорачани од нутриционистката и порпарол на Британската диететска асоцијација - Хелен Бонд.

Во 20-ти
Генерално немаш гајле, целиот организам уште е млад и уште моќен да се справи со се' што ќе наметнеш. Сепак овој период е важен затоа што тогаш ги поставуваш нутриционистичките основи за подоцна во животот.

Повеќе јади:

Млечни производи
Интензивниот раст на коските кај тинејџерите на 20 години го достигнува својот пик.

"Сепак, иронично, баш кога е најнеопходно да се внесе колку е можно повеќе калциум и витамин Д, младите девојки почнуваат да избегнуваа млеко затоа што погрешно претпоставуваат дека тоа е преполно со масти," објаснува Хелен.

Дневната цел е 700 мг. или чаша млеко од 200 мл. 30 грама сирење и мало канче (цврст) јогурт.

Говедско
Оваа старосна група често пати има ниско ниво на железо, заради што треба да се јаде што е можно повеќе чисто месо кое е богато со железо.

Од зеленчук треба да имате вклучено што е можно повеќе зеленило (лисест зеленчук, карфиол, брокула...), грав, грашок, леќа, сушени кајсии и житарици. Внесување на храна богата со витамин Ц, домати, сок од портокал или лимон, помага во подобра апсорпција на железото од другата храна.

Помалку јади:

Џанк фуд
По статистики 20-годишниците јадат 25% повеќе брза храна отколку кога биле тинејџери.

"Исхраната со малку влакна, а многу шеќери и сол може да придонесе кон дигестивните проблеми, како запек, а подоцна во животот предизвикува и висок крвен притисок. Затоа гледајте да избегнете исхраната да ви се базира на брза храна," препорачува нутриционистката Сара Вест.

Алкохол
"Младите девојки често пати имаат навика да ги резервираат калориите од храна за да можат да внесат повеќе алкохол. Меѓутоа алкохолот не содржи хранливи материи," предупредува Хелен Барнс.

Сите овие негативни калории не само што штетно ќе ви влијаат на косата, ноктите и кожата, ама ќе предизвикаат штета создавајќи внатрешни масни наслаги околу вашите органи.

Во 30-ти

Повеќе јади:

Кафеав ориз
Целата логика е дека треба од рафинирани бели јагленхидрати да се префрлиш на алтернативи со ниски количини на глутен, кои полека ги ослободуваат резервите на јагленхидрати, како интегрален леб, кафеав ориз или интегрална паста.

Овие ќе ви помогнат и подолго време да се чувствувате сити и имаат докажани бенефити за работата на срцето.

Кафеавиот ориз го подобрува и вашето расположение затоа што поттикнува ослободување на серотонин и според одредени студии за една третина ги намалува шансите за развивање дијабетес.

Зеленило
Трудните жени треба да земаат суплемент за липонска киселина и да јадат храна како кел, спанаќ и брокула.

Додека мажите треба да јадат што е можно повеќе храна богата со цинк, за да го зголемат производството и активноста на спермата.

Помалку јади:

Штетни грицки
Продолжуваш да јадеш исто како кога си бил 20-годишник, без да ја зголемиш физичката активност, и потоа почнуваш да се дебелееш бидејќи метаболизмот со секоја деценија ти се забавува за 10%.

Треба да избегнеш грицки како бисквити, чоколадо, торти и чипсови, и постојано до тебе да имаш здрава алтернатива како морков, свежо овошје, нискокалоричен јогурт и торти од овес.

Кафе
Истражувањата покажуваат дека пиењето дури и на една шолја кафе дневно може да ги намали шансите за забременување на жените и да го намали бројот на сперматозоиди кај мажите.

Ако се обидуваш да забремениш намали го внесот на храна и пијалаци кои содржат кофеин.

Во 40-ти

Повеќе јади:

Пилешко
Внесувањето протеин, кој го добиваш од работи како пилешко, риба, кртина и јајца, ти помага подолго да останеш сит, ти помага да ја одржиш мускулната маса и да согориш повеќе калории отколку јагленхидрати или масти.

Мрсна риба
Лосос, сардини и пастрмка се најдобар извор на здрави омега 3 масти, кои се добри по повеќе основи за вашето здравје.

Благ компир
Полни се со бета-керотен кој преку крвотокот се испорачува во кожата, каде што е збогатен и помага против штетното влијание на сонцето.

Друг извор на керотен се морков и диња.

Помалку јади:

Путер
Најди здрава замена за него која содржи стерол и станоли, кои докажано го намалуваат лошиот холестерол за околу 10% во рок од 3 недели. Ова помага и во зголемување на нивото на витамин Д.

Во 50-ти

Повеќе јади:

Спанаќ
Во оваа деценија почнуваат да се развиваат проблеми со очите. Спанаќ и кел содржат лутеин и зекснатин, два антиоксиданси кои функционираат како хемиски очила, и помагаат очилата да се заштита од УВ зраци кои предизвикуваат катаракта и други проблеми со очите.

Тие се полни и со калциум и магнезиум, кои се клучни за здравјето на коските.

Комбинацијата на овој зеленчук со маслиново масло ја подобрува апсорпцијата на антиоксидансите.

Ленено семе
Помага во балансот на хормоналното ниво и го намалува проблемите при менопауза.

Ги има на интегрален леб, а можеш да ги користиш во комбинација со житарки, овесна каша и салати.

Јогурт
Калциумот е клучен во оваа декада, меѓутоа помалку го апсорбираш од храната што ја јадеш заради промените во дигестивниот систем.

Зголеми го внесот на нискокалорични млечни производи, кои ги согоруваат маснотиите околу вашата половина.

Обиди се да не јадеш калциум и железо во исто време, бидејќи и двата се натпреваруваат меѓу себе за апсорпција.

Помалку јади:

Сол
Солта го зголемува притисокот и опасноста од срцеви заболувања.

Префрли се на замени на сол и експериментирај со лук, чили, зачини или тревки за вкус.

Во 60-ти и нагоре

Повеќе јади:

Семки од тиква
Полни се со цинк и перфектни за одржување на имунитетниот систем. Богати се и со омега-3 масти, а ја подобруваат и работата на мозокот и срцето.

Можеш да го додадеш во супа.

Разнобојно овошје и зеленчук
Јади различно сезонско овошје и зеленчук за засилување со клучните витамини и минерали.
За заштита на мозокот и срцето, базирај ги оброците на медитеранска исхрана со риба, јаткести плодови, семки и зеленчук.

Витаминот Е во маслиновото масло, сончогледот и бадемите посебно помага во заштита од Паркинсон.

Сливи
Не само што ќе ви помогнат во одржување на здрав дигестивен систем туку и ќе ви го заштита срцето и нервниот систем. Јадењето суви сливи помага во забавување на таложењето холестерол.

Помалку јади:

Колбаси
Ризикот на рак на цревата ескалира по 60-та година, заради што треба да намалиш со меса како колбаси, салами, пршута и сланина, која се поврзува со болеста.

Според Хелен, треба да внесуваш максимум 500 грама црвено или преработено месо неделно.

Одредени зеленчуци
Компир, домати, модар патлиџан и пиперки, можат да предизвикаат болка во зглобовите кај лица со артритис. Кога овие јадења се избегнуваат, околу 70% од пациентите пријавиле помалку болка.

21 јули 2014 - 16:45