Зезалици

Дебакл!
27 Февруари 2017

Не баш дебакл, ама одма е друго кога се прави драма. 4 дена пред наградите ни беа дадени 14 предвидувања за добитници Оскар, на другарска база му дадовме бонус од 2 грешки. Дојде време да се пресметаме. Повеќе

Човек на денот
24 Февруари 2017

Во неможност да им помогне на животните како што сите други помагаат со лајкање и шерување на Фејсбук, или паламудење на Твитер, човеков земал цистерна и секој ден вози по неколку часа во еден правец за да им однесе вода на диви животни што живеат во сушните делови од Кенија. Патрик Килонзо Мвалуа не дека нема работа (земјоделец е) или дека "фатил проект", туку едноставно сфатил дека на животните мора да им се помогне, и тоа го прави. Повеќе

Фотошоп функции на гардеробите за пробување облека
23 Февруари 2017

За нас дифтарите, тие гардероби се само за ептен кога мора да пробаш нешто и ги доживуваме како клаустрофобични катакомби во кои те фаќа склет и следствено, запотуваш мишка. Ама за женскиот свет тоа се храмови во кои посветено и трпеливо се менуваат мантии а се прават и селфија за да се покажуваат по другарки или инстаграми. Некои фирми добро знаат дека тие гардероби (дизајн, позадина, светло) се клучни за донесување одлука „што ми стои добро“. Повеќе

Да ве запознаеме со Дигиталната библиотека на Македонија
22 Февруари 2017

Како дел од Универзитетската библиотека Св. Климент Охридски, функционира нешто што се вика - Дигитална библиотека на Македонија. Називот е комплетно самообјаснив, одделот работи на дигитализирање на македонските книги и останатите печатени материјали (слики, разгледници, мапи) на тема Македонија. Се што ќе дигитализираат, или во пдф или во јпг, го ставаат кај нив на сајт бесплатно достапно за секого. Повеќе

Храната пред да биде набрана
17 Февруари 2017

Додека храната уште е во природна околина, во "фабричкото" пакување, пред да биде препакувана за на полица или тезга. Со мали исклучоци ништо не изгледа како што ние мислиме дека излгеда. Повеќе

Колку беше бескорисен интернетот во 90-те
17 Февруари 2017

Во негова одбрана не беше одвратен и мизерно невоспитан како денес, ама па беше така неупотреблив што комплетно ти разјаснува зошто добар дел од медиумите тогаш не ни помислуваа сериозно да ја сфатат новата играчка. 14 веб страни "што ја издаваат баналноста на раниот интернет". Повеќе

Дизајнер, како тоа евтино звучи
16 Февруари 2017

Сите оние луѓе, што на сите оние дијзајнери, уметници, фотографи и слични занаетчии, им побарале да им сработат нешто гага па парите после ќе стигнат, олицетворени во колекцијата на една изгорена дизјанерка. Повеќе

Што му одговорија Козаците на султанот?
15 Февруари 2017

Турскиот султан е Мехмед Четврти. Козаците се од Запорожје. Се спукуваат кај утврдувањето Сич, при што полошо минува османлискиот аскер. Набргу Козаците добиваат писмо од султанот. Набргу и султанот добива одговор од нив. Повеќе

Загатката на Ајнштајн
13 Февруари 2017

Наводно ова зло е креирано од Ајнштајн, и наводно само 2% од светската популација може да го реши. Во основа имаш 5 куќи со различна боја, во која живее човек од различна држава, со различен миленик, пие различен пијалок и пуши различни цигари. Ти треба да дознаеш кој од нив 5 чува риба. Имаш 15 ставки што треба да ти помогнат. Зошто зло? Почни да решаваш, па само ќе ти дојде. Повеќе

За германцките работи
10 Февруари 2017

Старата лекторска изрека гласи "цела среќа што не се родивме во Германија". (А ако ја немаат оваа изрека треба под итно да ја воведат!) Повеќе

Научи да свириш гитара како да играш Гитар хиро
7 Февруари 2017

Нешто слично како што за Гитар хиро имаш посебна гитара со неколку копчиња што ги стискаш, тука имаш лента со лед сијалички што ја закачуваш на твојата гитара. За разлика од игрицата каде гледаш на екран што треба да стиснеш, тука лентата ти светка која жица и каде треба да ја држиш. Изумот се вика Фрет Цепелин, се врзува безжично за твојот мобилен за да избереш која лекција да ја учиш, и сето ова изгледа како стварно да фунционира. Повеќе

Денот на пребарувачот
6 Февруари 2017

Екозија е интернет-пребарувач. Го пребарува интернетот како и сите други машини од тој тип. Само што приходот што попат го генерира од својата основна дејност и донациите, Екозија го наменува за садење дрвја. Досега преку 6 милиони.  Повеќе

Извршни наредби за вас прекрасни луѓе
6 Февруари 2017

Откако Трамп седна во Белата куќа, главна играчка му станаа извршните наредби, форма со која тој може да нареди што било, без за тоа да треба да се објаснува со кого било. Со ваква погодност на располагање, можностите се бескрајни. Да не се чувствувате запоставени, Трамп ќе ја потпише која било наредба што ќе ви текне. Повеќе

Кога ќе фати инаетот
4 Февруари 2017

Најголем број трансформации се на дебели што во некоја точка од животот им здосадило да се облекуваат во шаторско крило. Највпечатливи пак се на оние што страдале од анорексија и успеале да ја победат. Повеќе

Да зборуваме за секс
2 Февруари 2017

Мада, што ќе зборувате со нас, зборувајте со некој што се разбира во темата, на пример со Порнхаб. Од порносервисот отворија сајт за сексуално образование и здравје, и планот им е да им се најдат на сите свои корисници што имаат нејаснотии околу сексот. Повеќе

Првиот чекор во Аушвиц
27 Јануари 2017

Утрото на 27 јануари 1945 тенковите на Црвената армија стигнуваат пред Аушвиц. Пред тенковите испречени се само портите на логорот. Чуварите претходно се избегани откако слушаат за напредокот на Советите. Еден од тенковите ги соборува портите и влегува во Аушвиц, по него и остатокот од колоната. Николај Политанов е еден од првите војници на Црвената армија што стапнуваат во Аушвиц. Повеќе

Пикасо, Скопје 63, Битката на Неретва, 12 шишиња вино
26 Јануари 2017

За појаснување на хаикуто од насловот: постерот за Битката на Неретва на англиски јазик е нацртан од Пикасо за 12 шишиња вино, а ова се случува само откако документарецот Скопје 63 ја добива првата награда на филмскиот фестивал во Монте Карло. Повеќе

Непотребна машина за салата
24 Јануари 2017

Извршниот директор на една бескорисна компанија го претставува нивниот најнов производ: бескорисната машина за салата. Ако најдете некој аир од неа, можете да пријавите рекламација. Повеќе

После протестите...
23 Јануари 2017

За да знаете во каков свет живеете не е доволно да сте информирани дека деновиве жените (освестени, политички писмени, храбри, гласни, одважни итн.) протестирале против Трамп. Треба да ѕирнете во стварноста и еден ден подоцна. Повеќе