Синовите на Трамп шиткаат состаноци со татко им

Трамп Јуниор и Ерик Трамп нудат приватни средби со татко им во замена за донација од 25.000 до 1 милион долари, објавува американскиот Центар за јавен интегритет.

Според организацијата, двајцата се наведени како директори на Фондацијата Отворен ден, која се занимава со организирање средби со Доналд Трамп на 21 јануари, еден ден по неговата инаугурација.

Пакетот во замена за донација од 25.000 до 1 милион долари нуди „приватна средба и фотографирање на 16 гости со претседателот Доналд Трамп“, како и „неколкудневен лов и/или риболов за четири гости со Доналд Трамп јуниор и/или Ерик Трамп и екипата“.

Од Фондацијата тврдат дека парите ќе одат за добротворни организации што работат на „конзервација“, ама не ги наведуваат точно кои.

22 декември 2016 - 09:39