Цената на оваа одлука (без разлика што беше неопходна од безбедносна гледна точка) се проценува на 333 милиони долари на ден.
"Бостон има економија вредна 1 милијарда долари на ден. Меѓутоа целата оваа економска активност, пред се благодарејќи на информатичките технологии и работењето од дома, не прекинува заради затворањето на градот и може да продолжи да функционира паралелно со тоа. Дел од активностите ќе бидат префрлени за утре или за кога и да го фатат дечкото. На пример работи како купување автомобили или производи за дома, сите тие можат да бидат префрлени во друго време," објаснува потпретседателот и главен економист на IHS Global Insight, Џим Дифлиј.
Меѓутоа од целата економија, тој проценува дека заради затворање се губат меѓу 250 и 333 милиони долари на ден.
"Околу една четвртина е најдобрата претпоставка. Меѓутоа ако ова продолжи трошоците ќе почнат да се зголемуваат."
Заради успехот на Њујорк и Вашингтон во опоравувањето по нападите од 11-ти септември, тој верува дека затворањето нема да имаат долгорочни проблеми врз градот. Инаку Бостон моментално е градот со 9-та по големина економија во САД, која е поголема отколку економијата на Грција, Сингапур, Португалија или Ирска.
