Главна придобивка од откритието е што бродовите би можеле сами да го произведуваат сопственото гориво и да не треба да се паркираат на пристаниште. Новото гориво би чинело меѓу 3 и 6 долари за галон (3,8 литри).
Американската морнарица има 289 бродови со мотори на нафта, на ова плус се неколку носачи на авиони и 72 подморници кои работат на нуклеарен погон.
Напредокот во истражувањето следува откако научниците успеале да развијат начин за извлекување јаглерод-двооксид и водород од морската вода. Потоа гасовите се претвораат во течно гориво со помош на каталитички конвертори. За сега горивото го имаат тестирано на модел од летало.
Откритието би имало и две сериозни глобални последици:
1. Со процесот се извлекува јаглерод-двооксид од океанот, кој како последица на глобалното затоплување е претворен во сунѓер на ЦО2. Ова за последица има зголемена киселост на океанот што е токсично за деликатни екосистеми како корални брегови.
2. Развивањето на технологијата во комерцијален производ би ја намалило светската зависност од фосилните горива и големите земји производители на нафта.
Следно што треба да направат е да го произведуваат горивото во индустриски количини, во што ќе им помагаат неколку американски универзитети.
