Законот беше изгласан при крајот на јануари, треба да стапи во сила во март, а во последно време се отвораат работни огласи за позиции што треба да помогнат во неговото имплементирање.
Еден од описите на ново работно место гласи вака:
„Планирање и организација на соодветно и ефикасно трансферирање на канабис во дистрибутивниот систем.“
Со други зборови, некој што знае како се пушта марихуана меѓу луѓе. Освен искуство во полето, потребно е да се има и факултет и да се зборува англиски јазик.
Законот, кој помина во Бундестагот, дозволува на сериозно болни пациенти - како што се оние што страдаат од мултиплекс склероза или хронични болки - на рецепт да добиваат медицински канабис, кој ќе им го покрива здравственото осигурување.
Германија планира да има надзор над одгледувањето на медицинскиот канабис, за што лиценци ќе добиваат и приватни субјекти.
