Киев се бореше премногу добро за едноставно да се откаже, но Русија и Кина ќе ја постигнат својата цел да го разделат Западот, пишува професорот по напредни меѓународни студии од Џон Хопкинс Универзитетот, Хал Брендс.

Како што организаторите на британските БЛМ протести признаваат дека направиле проневера на пари, колумнистот на Телграф порачува дека Британија треба да си признае дека во 2020 се изглупирале со хистеријата околу БЛМ.

Можеби многумина не се сеќаваат на ова. Џулијан Асанж ненадејно беше обвинет за силување, откако преку Викиликс почна да открива владина злоупотреба на моќ, измами и и корупцијата. Една жена рече била злоупотребена од него додека била „полузаспана“. Исто како Расел Бренд, корумпираните медиуми го осудија пред секое судско рочиште.

Оние од нас кои сакаат да се вклучат во денешните суштински дебати, вклучително и со луѓе со кои не се согласуваме, сме протерани во она што буржоаската левица го нарекува „десничарски печат“. Тоа им овозможува да нè игнорираат. Овие левичари немаат потреба да зборуваат со поширока публика бидејќи, како што тие гледаат на работите, пошироката публика секогаш греши.

Некои мислат дека победата на Ѓоковиќ во Њујорк беше одмазда за Медведев, за поразот од преклани. Не, тоа беше одмазда за нешто полошо што му се случи лани, кога не му беше дозволено да игра. Човекот кој се третираше како закана по здравјето, се врати за да ја покаже својата надмоќ пред целиот свет и да ги потсети довчерашните ситни ковид-тирани на неговата големина - и нивната глупост.

Иако Киев и Вашингтон не признаваат, американски медиуми веќе пренесоа проценки на западни разузнавачи дека летната офанзива на Украина нема да ги постигне целите. Изгинаа многу луѓе а напредокот, ако го има, се мери во метри. Само со ампутации на делови од тело имаа преку 50.000 луѓе. Пораката од Вашингтон сепак останува иста: „Со вас сме, колку и да треба да изгинете.“

Русија и Украина нема сами да ја запрат војната. Заглавени се во ќорсокак, премногу крв и капитал се вложени, големи отстапки од која било страна би донеле до политички пад на лидерите. Можат САД и Кина, ама, нејќат, секоја со свои мотиви. Како што сега стојат работите, војната веројатно ќе се одолговлекува на неодредено време, или барем додека Украина не остане без пари, оружје и луѓе.

За година и нешто од сега, после американските претстедателски избори, Вашингтон ќе има или администрација која ќе има проблеми да ја продолжи помошта за Украина, или администрација која ќе ја прекине таа помош. Ако САД дигнат раце од Украина, товарот ќе треба да го преземе Европа. А таа ниту е подготвена, ниту се подготвува за таква опција.  

Авионската несреќа на шефот на Вагнер речиси инстинктивно му се препиша на Владимир Путин. Се разбира, и таа опција не е исклучена, но ако се постави прашањето „Кој има ќар од смртта на Пригожин?“, тогаш се јавуваат некои интересни не-руски осомничени. Занимлив е и коментарот на Зеленски: „Кога викавме дека ни треба помош со авиони, не мислевме на ова“. 

Неименуван извор изјави дека во разговор со странски политичар, било спомнато дека нивната влада претпоставува дека Џо Бајден нема да биде кандидат на Демократите во 2024, пишува Тим Стенли во текстот за Телеграф. Џо ќе се повлече пред првите партиски избори, што ќе биде предоцна за во трка да влезе кандидат предложен од базата, па на конвенцијата ќе биде крунисан предлогот на естаблишментот. Кое е името на среќниот добитник? Мишел Обама.

Робовите од 19-от век биле подобро хранети и помалку труени од денешните африкански аргати, од рудниците за кобалт во Конго, до планините на електронски отпад во Гана и Танзанија. И социјалната разлика меѓу робовите и нивните господари во 19-от век не била толку голема како онаа денес, меѓу работниците и господарите на транснационалните корпорации. А нè терат да се плашиме од вештачката интелигенција.

Многумина го спуштија градот пред самонаречените прогресивци и разбудени, само затоа што овие на почетокот звучеа многу добронамерно. Кога сега се гледа во што тоа се изроди, а се изроди во царување на цензура, авто-цензура и само-осудување за да се спаси кариерата, останува да жалиме што се заборави на старата мудрост „Патот до пеколот е поплочен со добри намери.“ 

Короната веќе не е ин, сега најдоа нова религија. Климатските промени. Нешто толку тривијално и јасно за секое дете. Климата се менува откако постои Земјата. Но сега ние ќе испаднеме паметни ако секој ден нагласуваме дека климата се менува. Имате бонус поени ако „негаторите“ ги обвините дека ги загрозуваат вашите деца или ја повикате владата да забрани туширање или возење кола.

Од 1775 Америка користи комбинација од волонтери и регрути за пополнување на воените потреби на земјата, посебно во време на криза. Денес на САД му требаат 160.000 нови војници, но бројот на волонтери не е ни приближен, пишува за Милитари пензионираниот потполковник и советник на раководството на американските маринци, Џо Плензлер.

Наводите за употреба на касетна муниција на фроното во Украина редовно беа жестоко критикувани и осудувани од Вашингтон, при што тоа се наведуваше како убедлив пример за нечовечноста на непријателот. Сè додека Бајден не реши со иста таква муниција да ја снабди Украина. Принципите лесно се топат кога на теренот не оди добро.

По распаѓањето на Советскиот сојуз, НАТО постојано флертуваше со идејата дека ќе ја прави Украина своја членка. После последниот самит во Вилнус, Зеленски тешко дека може да се прави изненаден што Алијансата со една рака му даде покана а со другата ја повлече. Алијансата така ѝ прави на Украина едно 30 години.

Нели руската војска требаше да пропадне пред неколку месеци? Нели Путин ќе беше срушен? Нели рубљата беше втурната во смртна спирала? Нели отцепувањето на рускиот банкарски систем од SWIFT требаше да ја осакати руската економија? Како тоа сега стапките на инфлација во Европа и САД се повисоки отколку во Русија?

Без разлика кои беа вистинските намери на водачот на Вагнер, Владимир Путин не вади туку-така тенкови во Москва и не одржува вонредни обраќања до нацијата. Нејасно е зошто Пригожин тргна, уште понејасно зошто запре и се сврти назад. Но, тој тргна против рускиот врв во време на војна. Би било наивно да му се предвиди долг и просперитетен живот.  

Да му се правеше ова на Андреј Сахаров или на Нелсон Мандела, секоја организација за човекови права во светов ќе го осудеше тоа со праведнички гнев. Секое НВО ќе се редеше да даде поддршка. Секој новинар ќе пишуваше едиторијали. Вака - штама. Ако тој биде екстрадиран и осуден, за следниот таков случај ќе бидат потребни само 10-тина минути.

Бунтот на лидерот на Вагнер против руската војска беше шок за голем дел од светот, но не и изненадување. Пригожин долго време го сметаат за насилен и неконтролиран играч во конфликтот на Путин со Украина.

Судејќи по твитер-профилот на Урсула фон дер Лајен, нејзината „длабока растаженост“ за стотиците удавени во Егејското море траела цели 23 минути. Европската Унија е во целосен морален банкрот. Во ваква ЕУ, Виктор Орбан би бил посоодветен шеф на Европската комисија – тој барем не се фолира.

Украина е малку веројатно да постигне рапидни и одлучни победи. Она што НАТО треба да го направи е да ја заштити Украина од тоа на Франција и Германија да не почнат да им се тресат колена, пишува Ричард Кемп во текстот за Телеграф.

Кога Зеленски го послуша Борис Џонсон да не преговара со Путин, тоа се фалеше како паметен потег. Ретроспективно, катастрофален. „Ако верувате дека ситуацијата е онаква каква што ја пренесуваат меинстрим медиумите, памтите како нè убедуваа дека победуваме во Авганистан?“, потсетува Дејвид Сакс од Крафт Венчрс, своевремено оригиналниот оперативен директор на Пејпал. 

Агата Кристи ќе ви разјасни зошто Доналд Трамп ќе биде првиот обвинет претседател во историјата на американската политика. Затоа што неговите гревови се помали и ги правеше сам. Судење на вистинските, габаритни криминали на американските претседатели би значело вклучување на пошироки кругови од системот. А тоа е незгодно и затоа нема да се случи.