Бизнис

Најголемата банка во светот тргуваше преку УСБ стик

Целата трговија што ИЦБЦ ја правеше во четвртокот на најголемиот пазар во светот се вршеше преку УСБ стикови кои постојано патувале низ Менхетен.

Како Русија ги заобиколува санкциите за нафта и го полни буџетот

По неколку успешни месеци спроведување на ограничувањето на цената на руската нафта, сега сите од ЈПМорган до Светска банка се помирени дека санкциите на руска нафта веќе не функционираат, сето тоа поткрепено со бројки кои покажуваат намалување на рускиот буџетски дефицит.

Замрзнатите руски пари донесоа 3 милијарди евра за 9 месеци

Еуроклиар, белгиската компанија што ги чува замрзнатите руски милијарди, објави дека руското купче пари од јануари до септември годинава се зголемило за 3 милијарди благодарејќи на покачените каматни стапки, што е околу 10 пати повеќе од истиот период лани кога сумата порасна за некои си 347 милиони евра.

Електричните коли дигаат рачна

Соочени со растечки залихи и забавување на продажбата, битни директори од автомобилската индустрија неделава признаа дека не испаднало дека „струја ќе ни оди работата“ и дека нивните планови за електрични возила се покажале како преамбициозни, барем во догледно време. Скоро сите електрични денес се продаваат со попусти, ама и натаму тешко се продаваат.

Кина почна истрага против Фокскон, производителот на Ајфон

Основа за истрагата се даночни пропусти и користење на ресурси од страна на Фокскон, а кинеската даночна служба веќе влегла во погоните на компанијата во Гуандонг и Џиангсу, додека инспекторите за приодни ресурси упаднале на локациите во Хенан и Хубеи.

Милијарди долари западен профит заробени во Русија

Западните компании кои продолжија да работат во Русија и по почетокот на војната до сега имаат генерирано милијарди долари профит, но не и начин како да ги повлечат парите во својата земја.

Како Гармин ги преживеа технолошките гиганти?

Гармин, Дропбокс и уште неколку искусни фирми успеаја не само да опстанат туку и да пораснат иако во меѓувреме големите играчи директно им брцнаа во чинија со своите супериорни производи и сервиси за масовно користење. Го направија тоа со паметно ре-позиционирање. Се тргнаа малку од онаму каде што големите 'си ги мерат' и фатија да го собираат кајмакот од сегменти кои не беа покриени.

Од Онлифанс се прават страшно многу пари, посебно ако е твој

Секој работен ден во годината сопственикот на Онлифанс во просек си исплаќа по 1,3 милиони долари откако минатата година платформата (главно) за порнографска содржина стигнала до профит од 525 милиони долари.

ЕУ купува течен руски гас многу повеќе отколку пред војната

Европската унија се заколна дека драстично ќе го намали увозот на гас од Москва поради нејзината инвазија на Украина. Нешто подоцна,  податоците покажуваат дека купувањето на течен природен гас (ЛНГ) од руско производство не само што не е намалено, туку е зголемено за цели 40%. Зборуваат против инвазијата а ги полнат џебовите на Путин.

 

Кина дава жмигавец да ја претица Јапонија

Кина е на пат да ја престигне Јапонија и да стане најголемиот светски извозник на автомобили. Уште од лани, Кина ја гледа Германија во ретровизор. Една година пред тоа, беше претицана Јужна Кореја.

Русија ја заврши 2022 побогата од што ја почна

Додека низ Украина се разгоруваше војната, Русите успеале да додадат 600 милијарди долари на своето вкупно богатство, додека САД и Европа изгубија илјадници милијарди долари, тврди швајцарската УБС во својот годишен Извештај за глобално богатство.

Идната финансиска криза ќе биде создадена од вештачката интелигенција

Вештачката интелигенција ќе биде во центарот на идните финансиски кризи а регулаторите нема да можат да ја менаџираат состојбата. Ова е пораката што ја испрати претседателот на американската комисија за хартии од вредност, Гери Генслер, веројатно најважниот и најмоќниот регулатор во САД во моментов.

Нвидиа доби нарачка од 5 милијарди долари од Кина

Интернет гигантите Баиду, Бајтденс, Тенсент и Алибаба имаат нарачано околу 100.000 чипови од Нвидиа од моделот А800 кои треба да им стигнат до крајот на годинава, а брзањето е да направат залиха додека САД не вовеле уште некоја забрана за извоз на чипови во Кина.

„Зелените“ трујат исто колку и „гадните“

Фамозниот индекс ЕСГ е една од клучните алатки за дисциплинирање на компаниите во поглед на нивниот еколошки скор, општествената одговорност и начинот на кој се упрвавуваат. Истовремено, тој индекс е главниот „скретничар“ на големите пари кои во последно време забрзано се одлеваат во „одржливи“ бизниси. Само што, фактите не се толку црно-зелени.

Европските компании имаат 100 милијарди евра минус од бојкотирање на Русија

Се работи за директна загуба што ја имаат најголемите европски компании од повлекување или прекинување на секаква соработка со Русија, а половина од сумата отпаѓа на енергетските и услужните дејности, покажува анализата на 600 годишни извештаи спроведена од Фајненшл тајмс.

Бензинот треба да биде 100 евра/литар

Затоа што нема друго решение, ниту пак разбирање, за да се спаси планетата бензинот треба да поскапи на 100 евра за литар, порачува професорот Хумболтовиот универзитет во Берлин, Грегор Бахман.

Од Русија избегаа 253 милијарди долари капитал

Од почетокот на војната во Украина од Русија се повлечени рекордни 253 милијарди долари, барем според бројките на руската централна банка.

Сè оди накај рецесија

Водечките индикатори на индексот составен за следење на американските бизнис циклуси во јуни направија 15-ти месец како се во пад, најдолгата серија од рецесијата 2007-2009, сигнализирајќи дека американската економија е пред сам почеток на нова рецесија.

Ако ве интересира зошто пропадна Кредит Свис читајте во 2073-та

Истрагата на швајцарскиот парламент за колапсот на една од најголемите банки во светот, Кредит Свис, ќе остане запечатена во следните 50 години, се тврди до документ на парламентот.

Инвестирање во еко-компании е штетно за околината?

Инвестирањето во еколошко одговорни компании, не само што нема да ги решат предизвиците, туку во пракса може и да ѝ одмогнат на благородната кауза, пишува Метју Леш. „Кога компаниите со лоши еко - рефееренци стануваат гладни за капитал затоа што инвеститорите се опседнати со „одговорни“ компании, тие стануваат уште повалкани за да избегнат банкрот“.

Западните пари се кладат на Кина

Официјално, американските и европските инвеститори имаат вбризгано 500 милијарди долари во кинески акции и корпоративни обврзници. Но тоа не  ништо во однос на тоа колку американски и европски пари се слеваат во кинеската економија преку офшор дестинации кои ги контролираат големи кинески играчи. Тоа е цифра која се мери во трилиони.

Федералните резерви предвидуваат катастрофа на американските бизниси

Американските компании се наоѓаат во парадоксална ситуација. Заострување на финансиските политики ќе им донесе дополнителни проблеми а олабавувањето на тие политики нема да им донесе многу подобра атмосфера за бизнис. Федералните резерви проценуваат дека речиси 40% од фирмите имаат проблем и дека наскоро може да почнат да не плаќаат.

Русија ќе ги купува фирмите што не сакаат да работат во Русија

Наместо досегашното продавање на купувачот со најдобра понуда, западните компании што ќе сакаат да го напуштат рускиот пазар во иднина ќе можат да бидат купени од руската држава по повластена цена одредена од државата.

Инвестициските фондови што ги тераат коропорациите на самоубиство

Изминативе месеци некои од најголемите глобални корпорации со неизмерни системи на проверка и одлучување, решија да свртат од стандардните пораки и најдиректно да ја поддржат разбудената идеологија, посебно во делот на промоција на транс-права. Секој што го направи ова му се случи крах на берза од милијарди долари и по него пак излезе нова компанија што го повтори истото.