Како што расте војната во Украина, така се редат санкции во рускиот спорт кои веќе не може да ги пофатиме. Се огласи Спартак Москва, која смета дека спортот, дури и во најтешките моменти, треба да гради мостови, а не да ги руши.

По цели 30 години во елитната Бундеслига, Шалке 04 испаѓа во втора лига. После катастрофални резултати тимот од Гелзенкирхен заслужено се сели во понизок ранг, ама навивачите не го примија тоа добро и ги нападнаа фудбалерите кои се враќале од гостувањето кај Ариминија Билефелд (пораз 1:0).

Само месец дена поминаа откако ја попарија Барселона со 8:2 во полуфиналето на ЛШ. Кога се одморија, кога се вратија на подготовки, кога истренираа за да се вратат во форма и повторно да експлодираат на ист начин.

Центарфорот на Баер Леверкузен Лукас Аларио го има најнеспортскиот потег на сезоната во Бундеслига, откако на мечот против Шалке на гости направи голема глупост. Во 57' минута Чан Боздоган лежеше на трева, па негов соиграч од Шалке ја исфрли топката во аут. Кога продолжи играта Аларио се изглупира и злоупотреби едно непишано правило.

Викендов се одигрува ново коло по рестартот на Бундеслигата. Во саботата 5 меча, денес 3. На дуелот Шалке - Аугзбург уште во 5' минута гостинскиот играч Едуард Ловен имаше мајсторија од слободен удар.

Шеесет и седма минута, играат Шалке и Ајнтрахт Франкфурт. Мијат Гачиновиќ од Ајнтрахт излетува во една контра, ама излетува како брз воз и голманот на Шалке Александер Нубел. И прави убиствен кунг-фу потег за кој добива директен црвен картон. Српскиот репрезентативец да слави втор роденден.

Се следат, се поштуваат и се бодрат едни со други. Пријателството меѓу навивачите на Шалке и Вардар трае 15 години, а германските ултраси овој пат на средбата против Ајнтрахт Франкфурт со голем транспарент им го честитаа 20 годишниот јубилеј на Лојан Фанс.

Тешки времиња носат и тешко бреме, па така омилениот клуб на рударите од градот со најмногу јаглен во Германија, морал да помине низ најмачниот период во историјата на земјата.

Сезоната уште не почната, а веќе го имаме победникот во категоријата „утка на годината“, или „цреп на годината“ како ви е помило. На пријателската Оберхаузен - Шалке (1:3), младиот белгиски напаѓач Бенито Раман од Шалке ѝ се претстави на светската фудбалска јавност.

Нив уствари ова им е сезона за заборав бидејќи завршија на катастрофалната 14-та позиција со ужасен скор од 8 победи, 9 нерешени и 17 порази. Ни Европа, ни бутур, за опстанок се бореа. Арно ама на 4 кола до крај го одиграа мечот на сезоната со кој се спасија, а на противникот му ги расипаа шансите за титула.

Да не си му во кожа на навивач кој патува од една во друга земја за ЛШ, троши пари, време, зема слободен ден од работа и на крај си оди попарен и елиминиран со вкупни 10:2. Ама кај вистинските навивачи на прво место е секогаш лојалноста. Погледнете и слушнете ја оваа поддршка на 7:0. Феноменално.

Ако вечерва Кристијано Роналдо, како и секој навивач на Јуве побараше режисер за да им го напише најпосакуваното сценарио за реванш осминафиналниот дуел од ЛШ, тоа ќе изгледаше токму вакво. 3:0 и три гола токму на Роналдо против довчерашниот градски ривал. Па има ли послатко?

Околу 2.000 навивачи на германскиот бундеслигаш допатуваа во Манчестер за реваншот од осминафиналето од Лига на шампиони против Сити на Гвардиола. За време на кортеото до стадионот, навивачите на Шалке скандираа „Гелзенкирхен - Скопје“ во чест на пријателството со навивачите на Вардар.

Каква иронија, тимот кој во името има броеви 04, изгуби дома 0-4 од Фортуна Дизелдорф и ја продлабочи сериозната криза поради која може да испадне од Бундеслига.

Ова е првата нокаут фаза во историјата на Лига на шампиони во која се користи технологијата на видеоповторување. На првите средби меѓу Атлетико и Јувентус, како и Шалке и Ман. Сити имаше неколку прегледувања на спорни моменти.

Парите и славата некогаш не се пресудни во изградба на карактерот. И покрај тоа што во моментов важи за еден од најплатените фудбалери и најголеми таленти во Европа, Лерој Сане не заборавил од каде потекнува.

По најдосадната осминафинална вечер во ЛШ со компир голови, спортската среда возрати со многу поголема возбуда и вкупно 7 погодоци. Шалке и Манчестер Сити одиграа лудачки меч со два пресврти, а Јувентус се соочи со пораз доста незгоден за анулирање.

Минатото коло во Бундеслига падна можеби најтикитака голот на сезоната. Фудбалерите на Борусија Менхенгладбах го нокаутираа Шалке на гости во последните пет минути. На вториот гол кој во 90’ минута го постигна Флоријан Нојхас му претходеше 61 додавање.

Чудесниот талент Кристијан Пулишиќ кој игра за репрезентацијата на САД и неодамна потпиша договор со Челси (ќе оди на лето), го потегна бранот на кој еден куп млади таленти од Америка доаѓаат на усовршување во Германија.

На 21 декември во Рурскиот басен „Германија“ ќе се затвори и последниот рудник за јаглен во земјата. Најголемиот симбол на рударите - клубот Шалке и навивачите спремија голем перформанс во чест на сите рудари.

Шеснаесет екипи останаа во борбата за трофејот од Лигата на шампионите. Сите сонуваат на 1 јуни 2019 да се најдат на преубавиот „Естадио Метрополитано“ во Мадрид каде ќе се игра финалето за ’ушестиот’ трофеј.

Норберт Елгерт е тренер на младинците на Шалке и човек од кого за фудбалот и општо за животот научиле многу фудбалски ѕвезди меѓу кои Месут Озил, Мануел Ноер, Лирој Сане, Сеад Колашинац, Јулијан Дракслер.

Правилото 50+1 според кое членовите имаат мнозинство гласови е вековна традиција која не може да се купи. Затоа Германците имаат најполни стадиони и пристапни цени за карти, пиво, колбасици.