Зошто на вашето следно залудно пријавување на наместен оглас за вработување да не се претставите со врвно скоцкано ЦВ? Ако ништо друго барем вие да си го направите меракот колку профи ви изгледало ЦВ-то.

Се разбира, на Никола Тесла или Стив Џобс никогаш не им било потребно да напишат CV. А сега, прашајте се дали сте вие новиот Тесла или Џобс. Ако не сте, тогаш елајте.

Во Гугл неделно стигаат 50.000 резимеа, а додека е таму како главен за вработување и регрутирање Лазло Блок има прегледано над 20.000. Некои се брилијантни, добар дел се катастрофа, ама најголемиот број се ОК. Според него ова се 5-те најголеми грешки во резимеата.

Единствената разлика што ова ќе ви ја направи вам, што ќе се чувствувате пофраерски околу тоа што му го праќате на идниот работодавец. Единствената разлика што ова ќе му ја направи на работодавецот е што ќе види CV што не е направено во сеприсутниот и бескрајно досаден темплејт од ЕУ.

На страна LinkedIn и она што мислите дека Фејсбук може да послужи како место за вашето резиме, најдовме неколку профи (а бесплатни) сервиси кои ќе ви помогнат одлично да се презентирате пред светот.