Книжарница во Далас се сетила како да натера луѓе да читаат класични романи - ја претворила нивната содржина во лажни вести. Како нашиов наслов на кој можеби кликнавте не очекувајќи го Чернодрински.

Компанијата најави дека ќе го штелува алгоритамот за што е можно повеќе да избегнува прикажување "кликбејт" статии во фидот на корисниците. Проблемот е што прво, намалувањето на кликбејт наслови нема комплетно да нè спаси од нив, и второ, самиот Фејсбук создаде условите за нивно ширење и успех.

Во претстојните штелувања на алгоритамот што го контролира њузфидот на Фејсбук ќе има намалување "на фреквентноста на кликбејт сториите," најавија од компанијата. Според нивната номенклатура кликбејт е статија со наслов "кој намерно изоставува клучна информација, или наведува луѓе на погрешно мислење."