Таг: интер

Ја забележувате ли фалинката на белата точка додека се изведуваат пеналите?

TNT Sports Brasil објави видео, за жал само од изведувањето на промашените пенали на Интер. Токму на местото каде се става топката, веројатно има мала празнина во тревната подлога и пред секое изведување, поточно пред самиот удар, кога играчот со едната нога гази врз тревата, таа се подигнува малку. Најмалку тоа се случува со Алексис Санчез, а најмногу кај Лаутаро Мартинез кој ја дува над гол и веднаш погледнува збунето надолу.

Оди на Ибра или на Гатузо напрај му го ова

Легендарниот Лилиан Турам кој направи голема кариера и стана светски и европски првак со Франција, треба да си го преваспита син му Маркус. Стефан Савиќ ова му го прости синоќа, па дури и на смеа ја истераа работата, ама ваква глупост не би му прошла кај секој.

Интер прокоцка предност и утна три пенали, во четвртфинале одат Атлетико и Борусија

И покрај тоа што Интер замина со предност во Мадрид и поведе во 33 минута со голот на Ди Марко, се простува во осминафиналната фаза од ЛШ. Гризман и Депај го свртеа мечот на 2:1, а потоа момците на Симеоне беа подобри од белата точка со 3:2. Облак им фати два пенали на Санчез и Класен, а Лаутаро Мартинез ја опали над гол. Борусија го совлада ПСВ со 2:0.

Пандев главен комичар во автобусот на Интер

Легендите на Интер синоќа го одиграа пријателскиот меч против легенди собрани од Грузија. Се појави снимка од автобусот каде се екипираат. На менито имаше пиво и смеење за кое беше задолжен наш Горан.

Пандев настапи со легендите на Интер, Фиго на 51 година приреди атракција со фелш

Грузија имаше чест да нагости дел од незапирливата банда на Мурињо која пред 14 години ја освои историската тројна круна, како и некои постари ѕвезди од рангот на Луис Фиго. Прв меч на Гоче 11 на 11 откако е во пензија.

Интер и Баер Леверкузен да го ладат ли шампањското?

Вака така за два и кусур месеци завршува клупскиот фудбал по кој ќе се префрлиме на репрезентативен во Германија. Ај да не честитаме пред време по луѓе, ама две, па и три од вкупно топ 5 лиги во Европа се скоро решени.

Интер е во страшна серија од 11:0 на +12 од Јувентус и е најефикасен тим во Европа

Ланскиот финалист на Лига шампиони игра како во транс. Во 2024-та е неприкосновен и непобедлив против секого и во секое натпреварување. Од септември немаат пораз во Серија А.

Бучавата на Џузепе Меаца по голот на Марко Арнаутовиќ

Не е лесно да се постигне гол во нокаут фаза од ЛШ, особено не против дефанзивна екипа како Атлетико Мадрид која синоќа немаше ниту еден удар во рамки на гол. Интер се трудеше, притискаше, промашуваше и во 79-та минута се случи експлозија на Џузепе Меаца, која одлично се доловува со овој клип снимен зад гол и во близина на играчите. Пуштете ги звучките појако за да го почувствувате од близу делириумот.

Арнаутовиќ го проби дефанзивниот Атлетико и ја фрли Меаца во транс

Лидерот во Серија А беше доминаннтен на речиси цел меч против Атлетико Мадрид кој во Милано прикажа дефанзивна игра со 0 удари во рамки на гол. Но момците на Инѕаги се изнамачија и се изнапромашија додека да стигнат до погодок, кој падна дури во 79-та минута, дело на џокерот Марко Арнаутовиќ. ПСВ и Борусија Дортмунд одиграа без победник. И двете осминафинални дуели од ЛШ ќе се решаваат на реваншите.

Стивен Жанг од Интер, најуспешниот претседател во Европа за негови години

Неколку факти за најмладиот претседател во историјата на 19 кратниот шампион на Италија.

Пас игра на Интер како по ноти

60% посед на топка, 23 удари од кои 7 во рамки на гол, наспроти 0 удари во гол на Лацио. Интер не само што славеше убедливо 3:0 во полуфиналето од Супер Купот на Италија, туку и тотално ги надигра Лацијалите. Финалето против Наполи е вечерва со почеток од 20 часот. Погледнете ги како везеа и тоа при решен натпревар.

На времето кога немаше ВАР и на терен се решаваа работите

Јувентус vs Интер, снимка пред околу 25 години која го покажува ривалството меѓу двете екипи, кои сезонава се двојат како најсериозни кандидати за Скудетото. На една страна паѓа Роналдо, на другата Дел Пјеро. Судиите на маки што да судат. Немаше тогаш репетиции на монитори, ама затоа фудбалот имаше повеќе душа. Секој секој играч „вреди“ 100 милиони.

Бомба на Чалханоглу го замолчи Сан Паоло

Фудбалерите на Интер не ја даваат лидерската позиција, а сериозната трка за титулата ја најавуваат со голема победа над актуелниот шампион Наполи од 0:3. Елиф Елмас доби 75 минути, а потегот на мечот го има Хакан Чалханоглу кој го отвори резултатот во финишот од првиот дел.

Најјакиот топовски удар виден во Лига на шампиони

Со репрезентативен фудбал се поздравуваме за годинава и се враќаме на клупски, каде во вторник и среда се игра 5. коло од ЛШ. Погледнете на што налетавме. Интер - Порто, групна фаза, 2005-та, без публика. На сцена стапи Хуго Алмеида и го постигна веројатно најстрашниот слободен удар во историјата на ЛШ. Гледајте и слушајте како пукна топов. Неверојатна левица кој тешко се прати со поглед.

Димарко одлепи со еврогол од 56 метри

Интер го совлада Фрозиноне со 2:0 во 12. коло од Серија А и остана лидер на табела. Цела Италија зборува за голчиштето на Федерико Димарко на кој му измерија дека успеал да го лобува голманот од точно 56 метри.

Како изгледа една течна и одлично смислена акција на Интер?

Симоне Инѕаги е можеби еден од најпотценетите тренери, кој да не заборавиме успеа да го однесе Интер во финале во ЛШ. Погледнете ја оваа шема со многу итриштина. Го враќа Барела како стопер, а важна улога во акцијата изненадно му дава на Ачерби, инаку задолжен за одбрана.

Никогаш нема да победите

Интер во 2023-та е во страшна серија против Милан со 5 од 5, низа веројатно незабележана на друга градска пресметка во една календарска година. После четири порази од јануари до мај минатата сезона, синоќа ги допетаа со 5:1. Навивачите на Интер скандираа: Никогаш нема да победите.

Пациент на колото

Каљари - Интер 0:2. Последен натпревар од 2. коло во Серија А.

Кога агентите и родителите на фудбалерите ги упропастуваат трансферите

Последниот таков пример е со 21 годишниот Лазар Самарџиќ, кој поради преголеми барања и мешања на агенти и членови на семејството, остана без потпис за финалистот во ЛШ.

Што направија Италијаните кога последен пат играа три европски финалиња во една сезона?

Скорот им е 2 од 3, што е извонреден успех со оглед на тоа што во иста година освоија Лига на шампиони и Куп на УЕФА. Третото по ранг клупско европско натпреварување го загубија. Пази, од Арсенал.

Убиствен инстинкт на Лаутаро Мартинез кој му донесе нов трофеј на Интер

И покрај тоа што делуваше млитаво и несигурно на Мундијалот, аргентинскиот напаѓач сепак одигра одлична клупска сезона и со помош на неговите два гола од кои еден мајсторски, Интер го освои Купот на Италија.

Какви резултати има Интер откако Алегри им кажа дека се срање и дека ќе завршат шести?

Страшен финиш сезонава бележат фудбалерите на Интер и сосема неочекуван со оглед на тоа што до неодамна беа во ужасна резултатска криза, а клупата на Симоне Инѕаги висеше.

За полуфиналето во ЛШ 2003: Никогаш не сум судел толку напнат меч, сè уште им ги слушам гласовите на Матераци и Гатузо

„Тоа беше најкомплицираниот натпревар во мојата кариера. За да имам поголема концентрација, последните неколку минути пред стартот ги поминав сам во соблекувална и на глас ги читав имињата и бројките на играчите. Не смеев ништо да погрешам“, се сеќава главниот судија Жил Вејсиер.

Моќна партија на Интер кој се доближи до финалето во Истанбул

Фудбалерите на Интер со фуриозен старт го добија првото градско дерби 0:2 и тоа со рани голови на Џеко и Михтаријан во 7 и 11 минута. Милан беше ослабен без повредениот Леао и немоќен во речиси цел натпревар. Упати само еден удар во рамки на гол.