Гилјерме Мадруга од Ботафого ја освои наградата за гол на годината, која му ја додели ФИФА на церемонијата во Лондон. Тој се истакна со страшни ножички на мечот против Новоризонтино во втората бразилска лига и ги засени другите кандидати.

На дуелот меѓу Нант и Лориен, домаќините поведоа буквално после минута ипол и водеа сè до 87' минута кога топката за слободен удар од 40 метри не ја намести Арман Лориенте. На ова може капа да му симне и легендарниот Бразилец Жунињо.

ФИФА синоќа додели неколку важни награди за 2020-та година, Роберт Левандовски го доби признанието за најдобар играч на годината, а Кореецот Сон од Тотенхем за најубав погодок во изминатите 12 месеци.

Кој би рекол дека клуб по име Гленторан од Северна Ирска може да се прочуе во светот во изборот за гол на годината според ФИФА и да собере преку 5 милиони кликови? Може, затоа што во тим го имаа анонимусот Метју Буроуз кој го постигна најепскиот гол со петица.

Во реванш четвртфинале од Лига на шампиони, Јунајтед со Фергусон на клупата му гостува на Порто на „Драгао“. Проаѓаат 6 минути и Кристијано распалува бомба од преку 35 метри за 0-1. Мечот така и заврши и Манчестер со вкупен резултат 2:3 од двата меча отиде во полуфинале.

Го постигна додека играше за Бенфика и тоа на дербито против Порто, а голот толку беше лудачки што заврши втор во трката за ФИФА гол на годината, само поради тоа што Ибра тогаш одлепи со тоа ножичките на пријателска против Англија.

Сите маестрални погодоци на едно место. Микс од врвни голови на светски познати и помалку познати играчи. Кој од кој појак гол.

Анонимниот 18 годишен фудбалер на Дебрецин, Даниел Зори 2019-та ќе ја памети по евроголот кој се постигнува еднаш во кариера и не само тоа. На ФИФА наградите го освои првото место, победувајќи го и Меси. Празник за очи е ова.

Кај се видело до сега ваква атракција со петица на асистенција со ножички? Никаде. Огромна штета што ова не е гол. Со ова ремек дело сигурно ќе завршеше конкурсот за гол годината бидејќи е нешто уникатно и неповторливо, а го спречи голманот на Сандхаусен на мечот против Келн.

Не знаеме ни кој е, ни од каде е, ама дечково треба да конкурира за најубав гол на годината во изборот на ФИФА и да ја добие наградата „Ференц Пушкаш“.

Име: Телмо. Презиме: Кастањеира. Клуб: ЦД Трофенсе од португалското фудбалско подземје. Гол: За наградата „Пушкаш“.

На мечот Ал Итихад - Енпи од египетското првенство кој заврши 1-1, домаќините поведоа со неверојатниот гол на Калед во 63’ минута. Сигурно влегува во најтесен избор за гол на сезоната.

Ај што е голот маестрален после акција од Плејстејшн, туку и описот на погодокот од коментаторот е за аналите.

Финалисти во трката за наградата „Пушкаш“ која што ФИФА му ја доделува на тој што ќе го даде најубавиот гол на сезоната се: Дејна Кастељанос, Жиру и Масулуке.

Наградата за гол на годината ФИФА ја воведе во 2009-та, а името го доби во чест на легендарното име на Реал Мадрид од 50-те и 60-те. Да се потсетиме на осуммината мајстори кои ја добија до сега.

Откако излезе листата на 10 кандидати за наградата Пушкаш, вчера објавивме и алтернативна листа на која ФИФА очигледно не внимавала. Епа ни во првата ни во втората нема ваков гол. За „шкорпион“ потегот дознавме од легендарниот Рене Игита кој така ја одбрани, а овој бре луѓе што стори?

Петта година по ред ФИФА ќе ја додели наградата за гол на годината. Но кога треба да се изберат 10 кандидати секогаш е држ не дај, зошто одредени голчишта не влегуваат во тој тесен круг. Ова му доаѓа како алтернативна листа на 10 голови кои се игнорирани. Меѓу нив три се од Англија која нема свој кандидат. Чудно е како од оваа листа нема место барем за ножичките на Шаќири и слаломот на Појет.

ФИФА го скрати изборот за најубав гол на годината од илјадници голови на десет. Во најтесниот избор на кандидати влегоа голови постигнати од 27. септември 2014 до 23 септември 2015 година. На 30. ноември ќе останат само три најмногу гласани голови кои ќе се борат за наградата Ференц Пушкаш.

Не е Златан, не е Меси, ниту Кристијано Роналдо. Голот на годината падна на средношколски натпревар во Јапонија меѓу екипите на Сакујо и Тамано-Конан. Ако има правда во ФИФА, голов мора да ја добие наградата за најубав на годината. Погодокот добива на тежина што падна во 94-та минута од мечот.

Во компилацијата со најефективни голови од викендов, фали мајсторијата на Алан Гатагов кој во шеснаесетник реагираше поатрактивно од Ибра. Се работи за руски фудбалер кој ги носел дресовите на Динамо и Локомотив Москва, а сега настапува во Казахстан.

За прв пат во историјата, жена се најде меѓу тројцата кандидати за наградата Ференц Пушкаш, која што се доделува за најдобар гол во изминатата година. Голот случајно го снимил противничкиот тренер, кој ги снимал акциите на својот тим.