Пред завршувањето на вториот мандат и предавањето на власта на Кенеди, Ајзенхауер држи говор во кој предупредува дека веќе во тој момент САД се оставени на милост на сила која ни тој не може да ја порази - за прв пат во историјата САД добиваат перманентна индустрија за производство на оружје.

Откако долги години немаа проблем со тоа дигиталните платформи да цензурираат луѓе кои не им се по мерка, новинарите на американските корпоративни медиуми денес гласно зборуваат за тиранијата на Сицилиумската долина. И понатаму немаат проблем тие со цензурата. Имаат проблем со тоа да бидат замолчувани нивни. 

По изјавата на австралискиот премиер Албанезе, дека отворено побарал од владата на САД да го помилува Жулијан Асанж, уследи отворено писмо на пет големи медиумски имиња. Тие бараат нивниот поранешен соработник да биде ослободен. Меѓу нив е и Гардијан, а долгото паметење на австралиската новинарка Кетлин Џонстон не дозволува тоа да им помине само така.

Илон Маск (не без прашање) реши да спроведе генерална амнестија на банираните Твитер профили, а меѓу помилуваните е и поранешниот претседател на САД, Доналд Трамп. Ваквите потези наидоа на негодување кај елитите кои се плашат дека обичниот народ нема капацитет сам критички да ги свари вестите и информациите што ги добива.

Се појавија нови докази дека официјални лица од Белата куќа приватно побарале од вработени на Твитер да го цензурираат и забранат новинарот Алекс Беренсон, пишува Вол стрит журнал.

Британски режисер, како форма на протест, снимил десетчасовен филм кој извесен Одбор за подобност требало да го гледа за да му додели маркица за категорија гледачи. Цели 607 минути овие зјапале во - ѕид.

Една од ретките независни руски телевизии вчера ја емитуваше својата последна програма пред колективно да се збогуваат и да се одјават симболично со Лебедово езеро.

Можеби ви се случило - објавувате врвно уметничко дело (слика, скулптура или фотографија) на кое има голотија, и социјалните мрежи ви го банираат, заканувајќи се да ви го блокираат и профилот. Откако ова редовно им се случувало на виенските музеи кои никако не можеле да се разберат со Фејсбук, Инстаграм и ТикТок, дека Егон Шиле и Климт не се порно содржини, тие одлучиле да си отворат профил на Онли фанс - социјална мрежа наменета само за возрасни.

Активистката за женски права Мери Вер Денет на почетокот на минатиот век била уапсена поради тоа што по пошта испраќала самоиздаден сексуален прирачник, кој го напишала за да ги подучи своите синови-тинејџери.

Британците имаат еден широко познат речник на старогрчки, издаден при крајот на 19 век. Но во него согласно викторијанскиот морал преводот и толкувањето на зборовите се прилично смерни. Сега тој е ре-издаден, без влакна на јазикот. 

„Разбудени“ од сите земји - заќутете! Вака би пишувал денес Бредбери за цензорите кои не гледаат ништо иронично во тоа што изрекуваат забрани во име на либерални идеи и слободи. Нему нештата сепак одамна му биле јасни.

Њујорк Пост објавува сторија за Џо Бајден дека во 2015 (додека се уште беше потпретседател) се сретнал со сопственикот на украинската нафтена компанија за која работи син му, а неколку месеци подоцна извршил притисок врз украинските власти да го отпуштат обвинителот кој започнал истрага околу компанијата. Според Фејсбук и Твитер оваа вест не е според нивни стандарди и не дозволуваат објавување на линк до веста.

Изминативе месеци, не по лична волја на сопственичките, ги снема Инстаграм профилите на стотици порно ѕвезди и сексуални работнички кои ги почитувале правилата на социјалната мрежа идентично како и регуларните ѕвезди.

Бандата имаше епизода критична кон Кина, па Кина за да докаже колку Саут парк не се во право за тоа што го зборат за земјата реши да ја забрани серијата во целата земја. Следни на ред беа Саут парк да наведнат глава.

Наместо Путин, главен „зликовец“ во руската верзија станал Трамп. Плус без знаење на авторот се променети и некои битни термини. Сепак тој деновиве е под остра критика на јавноста што се согласил на каква и да е адаптација под притисок на руските цензори.

Наместо од него да се учи како функционира машинеријата на идеолошка манипулација, славниот пропаганден филм се брише заради некаков „говор на омраза“. Или некој е глуп, или навистина не сака да имаме увид во рецептот. 

„Црн хоризонт“, која се отвара утре, 9.02 во Шарлероа, Белгија, е дело на двајца Руси - Ерик Булатов и Андреј Молодкин, кои на овој начин протестираат против пропагандните машинерии од која и да е земја. 

Судската одлука за повлекување на новата книга на Мураками од штандовите на меѓународниот саем во Хонг-Конг, како и нејзино обележување како „непристојна“ во библиотеките и книжарниците, предизвикува остри реакции. 

Русите уште имаат проблем да признаат дека еден од нивните сјајни композитори повеќе сакал мажи. Сега на англиски прв пат се објавени и оние делови од неговите преписки кои досега беа цензурирани од домашните дежурни моралисти. 

Издавачите, можеби превентивно, а можеби затоа што некогаш се изгореле, сега дуваат и на јогурт - ангажираат посебни читатели, кои се „сензитивни“ за некоректности од различен вид, и кои алармираат доколку забележат такви моменти во книга која допрва треба да се објави.

Нема ден да пројде а нормален човек да не се запрепасти каков сè отров се има проширено на социјалните мрежи. Ама па цензурата е крајно лош и практично неприменлив противотров. Особено што сега оваа валкана работа државите елегантно ја аутсорсираат па на приватни компании им препуштаат да проценуваат што може а што не може да оди во јавност.  

Oпасен преседан, начин да се поттикне дискусија или бришење на минатото? Ова се некои од реакциите на неодамнешен потег на британска галерија. 

ЕУ најави здружено решавање на проблемот со „лажните информации кои се шират со загрижувачка брзина“. Ова доаѓа по сличните одлуки на Франција и Германија, кои најавија решенија со кои се забранува говор на омраза или лажни вести. Работата е што говор на омраза и лажни вести и пред сета оваа галама беа нелегални.

Диверзитет, наука, доказ...Ова се само неколку примери на зборови кои се препорачува да не се користат во апликациите ако сакате да бидете финансирани од државата во областа на - да! - науката во 2018 во САД.