Тереза Меј бараше избори за да добие посилна и постабилна позиција во преговорите за брегзит. Првото го доби, ама не и позицијата што ја посакуваше, заврши со 13 пратенички места помалку и губење на парламентарното мнозинство. Ние го добивме меракот да уживаме во сеирот што Гардијан го удира околу изборите.

Душан Машиќ е еден од основачите на Б92, а потоа и главен уредник на вестите. Во изминативе 8 и нешто години работи во БиБиСи, а на последниве избори, како британски државјанин конечно може и да гласа на нив. Цел живот гласање и најразлични избори во Србија и искуства од Балканот, ни најмалку не го подготвуваат за она што го чека во Лондон. Сето ова искуство го пренесува фантастично шармантно на својот Твитер.