Ремикси лесно се прават ако секој инструмент го имаш засебно на канал. Но, Битлси за некои рани албуми имале само 4 канална миксета, па на секој канал се ставани по неколку инструменти. Како да треба торта да „отпечеш“ за да дојдеш до нејзините основни состојки.

Двајца фанови му приредуваат чудни проблеми на филмот Yesterday на Дени Бојл, инаку излезен 2019 - го носат на суд.

Филмот на Питер Џексон во три дела ги следи секојдневните проби на членовите на Битлси кои ќе доведат до создавањето на нивниот последен студиски албум, Let It Be. Секој и малку упатен обожавател на бендот може да каже што се случило по таа 1969 со Џон, Пол, Ринго и Џорџ. Но што е со останатите?

На 30 јануари 1969, во тешка година за бендот, Битлси ненајавено изведуваат концерт на покрив во Лондон.
На 30 мај 2020, во година обележана со пандемијата, неколкумина пријатели со фамилиите и комшиите се собираат на свирка на сличен покрив во Ниш. Целиот потфат останува забележан на камера.

Во напливот на протести и реакции по убиството на Џорџ Флојд во САД, и во Британија - некогашната голема колонијална сила - се случува преиспитување на минатото и на актуелниот расизам. Во тој излив на гнев страдаат и некои досегашни културни икони, кои (најверојатно) немаат никаква врска со темата.

Марк Левисон, англиски автор и историчар се смета за светски авторитет кога станува збор за Битлси. Снимките до кои дошол за нивните последни состаноци кажуваат поинаква приказна од онаа која до сега ја знаевме - дека едвај чекале да се растурат, и дека главен виновник за тоа бил Џон.

Веста за распаѓањето на Битлси го погодила светот како ниту една друга слична вест до тогаш (а можеби и засекогаш). Така, некако е логично дека кога во 1976 се појавил еден мистериозен албум, фановите сакале да веруваат дека тој е на нивниот омилен бенд.

Деновиве во Екатимерини наидовме на сосема краток некролог-информација дека во Атина на 74 години умрел извесен Алексис Мардас, опишан како „еден од најнеобичните ликови“ кои орбитирале околу Битлси. Откачен Грк кој му бил инспирација на Ленон? Ова моравме да го провериме.

Текстов беше непосреден повод да провериме како стојат работите во нашиот плеер. Резултат: во него има три преработки на песна со наслов „Кога бев млад", и исто толку од „За добрите стари времињa“. Вака-така, пак добро изгледаме ко за менталните години.

Ако денес мака мачат со безумните цени на картите, навивачите на Ливерпул во минатото грмеле песни од Битлси на преполниот Енфилд.

Не дека локално многу ни менува, ама една од главните светски вести денес беше пуштањето на речиси целата дискографија на Битлси на стриминг сервисите како Спотифај, Епл мјузик, Тајдал и др. Како што се актуелизираа Битлси, така се актуелизира и прашањето од кого тие всушност краделе музика, креативно покривајќи ги трагите.

Навивачите на шкотскиот Мадервил важат за едни од најлибералните во Британија. Го бодрат клубот насекаде, а најголема журка приредија на Иброкс парк против Глазгов Ренџерс каде ја пееа преработката на Twist and Shout од Битлси.

На 13 септември се наврши половина век од издавањето на синглoт Yesterday на Битлси. Тоа беше прва соло снимка на Макартни, и воедно прва песна на групата напишана само од еден Битлс - знак дека тој и Ленон почнуваат да се движат во различни насоки. Дали сте повеќе за Џон или за Пол сè уште се смета за избор кој кажува нешто не само за вашиот музички избор, туку и за вашиот светоглед.

Хантер Дејвис (1936) е британски писател и новинар. Автор е на 35 книги, меѓу кои и на единствената авторизирана биографија на Битлси. Сепак, најинтересните моменти во неговата кариера имаат врска со некролози - неговиот сопствен, и оној на Џон, Пол, Џорџ и Ринго, кога тие имале само дваесетина години.

Тоа за многумина е едно од оние животно тешки прашања или камен на сопнување во дискусија, како избор помеѓу пастрмајлија со или без јајце. Ама кога треба да се одлучите помеѓу двајца екстремно талентирани и славни музичари кои патем свиреле во иста група, работата е уште покомплицирана.

50 години по нивното прво појавување на Би Би Си, за Битлси едногласно се мисли како за поп генијалци чија музика лесно ја освои публиката. Не баш. Повеќето слушатели на времето мислеле дека се шкарт.

Да беа овие изјави од денешно време, ќе беа трајно впечени во колективното сеќавање. Прво ќе се појавеа на Твитер, па од таму ќе отидоа на Фејсбук, па од таму на сите можни портали, за на крај фотките да завршат на Инстаграм или како гиф на Тамблр.

Комичарот Чед Нид со битбокс маестрото Бронкар Ли зипуваат 22 песни на Битлси во 60 секунди. Само колку да видите колку ваквата постапка е во суштина глупа.

Роден во древниот индиски град Варанаси, Рави Шанкар најпрвин бил танчар во трупата на брат му, со која го пропатувал светот. Но на 18 години одлучил да се врати дома и да се посвети на учењето ситар.

Во недела на Школка ќе се одржи трибјут на Битлси - групата во која „Ленон беше душата, Харисон духот, Пол срцето, а Ринго тапанарот". На 50 години од придружувањето на последниов кон групата, неговата родна куќа е спасена од демолирање.

Последното прашање кое Њујоркер им го постави на своите Твитер следбеници во рубриката Questioningly е „Кој е вашиот омилен Битлс?". Иако се очекуваше дека Џон Ленон ќе биде прв, она што изненадува е дека веднаш по него, и тоа за само 2% помалку гласови, не е Пол, туку - Џорџ.

Најголемото прашање по последната епизода на Mad Men: Дали им се исплатеше на продуцентите да платат четврт милион долари за да можат една песна од Битлси да ја пуштат во одјавата (само на оваа епизода)?