Драги наши образовни слепци, ОВА е граѓанско воспитување

Седењето во училиште и онака знае да ги подгрбави децата. Особено овде, каде системот си помислил дека една од неговите задачи е да им ги омекне кичмите на младите, за полесно да се виткаат понатаму во животот (Види "Kако сум систематски уништен од идоти"). Ако е така, одиме ние со малку физикална терапија.

Се работи за познатата ситуација полицаец - граѓанин. Запирање, прашување, идентификација....

Да, добро. Ама, може и обратно.

Жител на Вашингтон на свој блог стави видео од една таква негова средба, кога тој му пристапува на полицаец, од оние најчестите, што седат и пишуваат казни. Решава да му постави неколку прашања (бидејќи автомобилот на полицаецот не е прописно обележан) па дури бара и овој да му се легитимира.

Малку му е незгодна целата ситуација, но полицаецот сепак испаѓа пристоен и се легитимира, прашувајќи се да не е ова некоја игра.

Граѓанинот му вика:

"Ова не е игра господине. Ова се вика закон."

Погледнете го видеото:

Непрописно ни поставуваат стапици само за да можат да ни пишат казна за некој банален прекршок. Тоа не е заштита. Како што вика брат ми: "Нивно е да служат и штитат (to serve and protect),а не да малтретираат и да собираат (to harass and collect)", напиша авторот на видеото Гевин Сеим.

Тонч.

Патем, за вашите права и обврски при сообраќајна контрола во Македонија, имате тука.