Писма на внимателни читатели

На плусинфо.мк пренеле колумна од Јурица Павичиќ за "Скопје 2014-та". Многу луцидно напишано, штета што интегралниот текст го има само во печатеното издание. Ама, има една друга занимливост.

Во цитатот на плусинфо, Павичиќ вели:

"Јас познавав друг град кој беше изграден по земјотресот '63. Тоа порано беше убав град, топол, со убави згради, елегантна геометрија, концертни сали и трговски центри."

Си викам, океј, во шок е човекот од она што го видел - ама не е ваљда до толку во шок што архитектурата од времето на бившиот градоначланик Благој Попов одеднаш му се омилила?

Идам на оригиналниот текст и ја наоѓам истата реченица која на хрватски гласи:

"Stajao sam u centru grada koji je nanovo izgrađen nakon potresa '63., i koji je u doba kad sam ga pamtio bio grad-obrazac racionalnog socijalističkog planiranja - grad jednostavnog, surog betona, elegantne geometrije, nebodera, trgovačkih centara, koncertnih dvorana rudimentarne jasnoće."

Каде исчезна "рационалното социјалистичко планирање" и од каде изникна "убав град, топол, со убави згради"?

поздрав,
Блажо

8 април 2013 - 09:08