Втората младост на Роџер Федерер

Швајцарецот кој во август ќе полни 36 години синоќа ја освои 90-та титула во кариерата, 25-та на Мастерс турнирите и се искачи на АТП ранг листата.

Во 2012-та Федерер во финалето на Индијан Велс го совлада домашниот миленик Џон Изнер и по четврти пат во кариерата го крена драгоцениот пехар.

Синоќа, на истото место, во финале против неговиот сонародник и голем другар Стен Вавринка Роџер победи 6-4, 7-5 и дополнително ја збогати трофејната сала. Тоа беше 25-ти трофеј на Мастерсите 1000 (43-то финале на Мастерс, 139 вкупно во кариерата) за еден од најдобрите спортисти во историјата.

На патот до финалето Роџер на маестрален начин ги победуваше Роберт, Џонсон, Надал, Ник Кирјос и Сок. Пет одличја на Индијан Велс имаат само Федерер и Новак Ѓоковиќ.

Роџер во моментов се искачи на второто место по вкупна заработка сезонава а се врати и на шестото место на АТП листата. Во пресрет на Мајами каде настапот го откажаа и Мареј и Ѓоковиќ, Федерер би можел дополнително да се искачи на ранг листата.

„Простете, едноставно сум уморен после овие десет дена. Би сакал да му честитам на Роџер. Тој се смее сега, тој е шупак, но во ред е. Изгубив некои тешки мечеви против тебе, но кога играше финале на Австралија Опен бев твој најголем навивач. Честитки на големото враќање. Секој кој сака да гледа тенис, сака да ги гледа твоите мечеви“, со насолзени очи се пошегува Вавринка во говорот после финалето.

Федерер изјави дека ова било уште една недела од бајките за него:

Најдобрите поени на Роџер на турнирот Индијан Велс:

 

20 март 2017 - 14:47