Лукоил со поголема концентрација во финишот до победа над Систина

Уника со убедлива победа од 10:1 славеше на дуелот против Оне.Вип, а до победи во вториот ден од 15.коло во Бизнис лигата стигнаа и екипите на Лукоил и Фабрика Карпош.

Каштањева со шест гола ја водеше Уника до победа над Оне.Вип
Оне.Вип 1-10(0-4) Уника
Оне.Вип: Ненад Богдановиќ 23’
Уника: Шабан Чупи 3’ 20’ Љуљзим Каштањева 14’ 17’24’ 25’ 38’ 39’ Влатко Деспотовски 33’ Бенјамин Граинца 40’

Екипата на Уника уште на самиот старт во дуелот со Оне.Вип постави офанзивна игра со целосен акцент на нападот во кој предводеше Каштањева кој имаше своја вечер и со беспрекорна реализација успеа да ја доведе Уника во комфортна зона. Екипата на Оне.Вип не се снајде најдобро во ваквата поставеност на Уника па на полувремето отиде со негатива од 4 гола, 0-4. Во второто полувреме екипата на Уника продолжи во ист ритам со идентичен стил во кој од минута во минута го зголемуваше своето водство за да на крајот слави со високи 1-10.

Лукоил со поголема концентрација во финишот до победа над Систина
Систина 6-7(3-4) Лукоил
Систина: Ѓорѓи Иванов4’ 20’ 26’ Горан Манов 9’ Кристијан Дамковски 22’ Далибор Дамјановиќ 32’
Лукоил:Мартин Алаѓозовски 5’33’ 36’ Станој Коцев 12’ 15’ Дејан Зиков 17’ 23’

Во исклучително квалитетен фудбал екипите на Систина и Лукоил го започнаа овој дерби натпревар. Во текот на целото прво полувреме се играше динамичен фудбал во кој и двете екипи играа гол за гол но мора да напоменеме во духот на фер плеј играта. Екипата на Лукоил успеа првото полувреме да го добие со само еден гол разлика од 3-4. Во второто полувреме екипата на Систина не само што успеа да изедначи туку со одлична игра дојде и до водство во самиот финиш, но во тие клучни моменти Лукоил се покажа како поконцентрирана екипа и со стабилна и сигурна игра успеа да извојува минимална победа од 6-7.

Фабрика Карпош успеа да ја задржи предноста од првото полувреме во дуелот со Гранит
Фабрика Карпош 7-2(4-1) Гранит
Фабрика Карпош: Александар Божиков7’ 8’ 16’ 34’ Георги Божиков 9’ 38’ Саше Мирчевски 28’
Гранит: Стеван Митревски 19’ Дарко Стојановски 23’

Градежното дерби помеѓу Фабрика Карпош и Гранит започна во високо темпо кое и на двете страни овозможи да се игра чист и отворен фудбал. Екипата на Фабрика Карпош стекна предност на самиот страт иако не го искористи играчот плус кој го имаше по грубиот старт на Гранит во раната фаза од натпреварот. Одличната реализација на Фабрика Карпош му овозможи на полувремето да замине со предност од 4-1. Во второто полувреме екипата на Гранит имаше обид да се врати во натпреварот но Фабрика Карпош благодарение на одличниот чувар на мрежата Саше Мирчевски кој успеа и да постигне гол го одби налетот и успеа да извојува победа од 7-2.

22 март 2017 - 09:13