Катастрофалните 13 минути ги одбележа и промашениот пенал на Лазаров кој тунискиот голман го одбрани, а на другата страна не помогна ниту смената на голманската позиција кај нас, затоа што Тунис реализираше за 11-3 после 15 минути игра.
Малку живост во играта внесе Наумче Мојсоски кој со погодок не врати на -5 негатива во 38. минута од мечот, за по долга игра гол за гол, Миркуловски да ги подгрее надежите со гол за -4 на 15 минути пред крајот.
Тунижаните играа вкупно 14 минути со играч помалку, период во кој нашите ракометари дадоа само два гола а примија двојно повеќе. Африканската селекција притоа го изведе првиот седмерец во 54 минута.
На крајот конечни 32:26 и четврти настап на ОИ за Тунис. Кире Лазаров беше најефикасен со осум гола, Борко Ристовски имаше 7 одбрани, Никола Митревски три.
„Се што градевме изминативе пет години наеднаш падна во вода. Извините, но игравме како пички. Вака не се бранат боите на Македонија", целосно разочаран после мечот изјавил Стојанче Стоилов во микс-зоната и заминал во соблекувалната.
Македонските ракометари утре вечер против Чиле ќе го играат последниот меч од квалификацискиот турнир.
Следната голема акција на македонската репрезентација ќе биде во јуни против Чешка, квалификациски двомеч за СП во Франција. Мундијалот се игра во јануари следната година, а Македонија преку Чесите ќе бара нов, петти пласман на Светско првенство.
