57 годишен Италијанец вчера направил до толку лудачки потег во кладилница, што добил дури и прашање од газдата дали е сигурен во тоа што го прави.
Човекот уплатил ни повеќе ни помалку, туку 100.000 евра на синоќешното дерби меѓу Јувентус и Интер.
Енормно високиот облог се случил во кладилница во градот Трапани на островот Сицилија, а газдата му се обратил со следниве зборови:
„Сигурен ли си за ова што го правиш и зошто се кладиш на толку многу пари на така специфичен вид на игра“?
Одговорот бил:
„Јас доаѓам од иднината, знам што ќе се случи и се вратив во минатото за да се збогатам“.
Еден од проблемите во оваа приказна е што Италијанецот не се обложил на победа на Јувентус кој важеше за фаворит, туку на точен резултат 3:1.
Добивката му беше 2 милиони евра, но Јуве победи 1:0.
Веројатно не е доволно во кладилниците да биде забранет влезот само за лица помлади од 18 години.
