Играте во маало и ви доаѓа Борусија Дортмунд

Пред натпреварот од ЛШ против Арсенал, германскиот клуб тренирал на терен за аматерски фудбал во паркот Риџент во Лондон, каде обично играле другари од населбата.

Актуелниот вицепрвак на Германија натпреварите од Бундеслигата на домашен терен ги игра пред околу 80.000 навивачи, а вчера тренирал на локално игралиште во Лондон. Јирген Клоп ја поведе екипата на тренинг на терен покрај кој обично џогираат луѓе и шетаат пензионери во околниот Риџент Парк.
 
Дортмунд и лани играше против Арсенал во групната фаза и тогаш тренираше на истиот терен, каде вчера зачудени ги гледаа сите што поминаа оттаму, па и на оние кои сакале да играат партија фудбал со пријателите. Милионерите минатата година славеа на Емирати 1:2, па очигледно мислат дека ова теренче им носи среќа. Вечерашниот натпревар почнува од 20:45, а Дортмунд веќе се пласираше во следната фаза.

26 ноември 2014 - 17:05