Милан и Барселона ќе се сретнат по трет пат оваа сезона. Во групната фаза на „Камп Ноу" натпреварот заврши со резултатот 2:2, а во Милано, Барселона успеа да победи со 2:3.
Ова ќе биде 14-ти натпревар помеѓу овие два тима. На досегашните 13 дуели, Барселона има 5 победи, Милан 4, а 4 натпревари завршиле без победник.
Тренерот на Милан има големи проблеми околу составувањето на тимот за денешниот натпревар. Столбот на одбраната, Тиаго Силва е повреден, а денешниот натпревар го пропуштаат и Абате, Ван Бомел, Пато, како и Гатузо, Инзаги и Мунтари кои немаат право за настап.
Гвардиола пак нема поголеми проблеми, па освен Виља, Афелај, Фонтас и Абидал кои веќе подолг период не се во составот, нема да може да смета и на Адриано.
На претходните два натпревари беа постигнати вкупно 9 голови, Барселона постигнува по барем 3 гола на последните 5 натпревари, а на последните 4 натпревари на Милан вкупно биле постигнати барем по 3 гола, што значи дека и вечерва ќе очекуваме интересен дуел со повеќе погодоци.
Правдата ќе ја дели најбогатиот судија
Главен судија на натпреварот помеѓу Милан и Барселона е Швеѓанецот Јонас Ериксон кој е најбогат судија на планетава.
Ериксон е поранешен новинар кој минатата година го продаде својот удел во компанија за продажба на ТВ права и заработи 8 милиони евра.
Судењето на овој натпревар ќе му биде еден вид на подарок за неговиот 38. роденден.
