15 години од солзите на Роналдо кој остана без Скудето во кариерата

Секој 5 мај им доаѓа како мелем на душата на навивачите на Јувентус, а истовремено им прави гнев на навивачите на Интер кои никако не можеа да го апсорбираат ужасот кој им се случи во последното коло од сезоната во Серија А.

5 мај 2002-ра требаше да биде денот кога Интер ќе го освои Скудетото, прво во ерата на Морати, а за да се случи тоа во последното колото само требаше да освојат 3 бода на Олимпико во Рим. Лацио ем имаше послаб тим, ем не се бореше за ништо.

Истовремено Јувентус му гостуваше на Удинезе и во случај на победа според бодовната разлика ќе мораа да се надеваат на кикс на Интер. Колку и да беа убедени навивачите на Интер дека такво сценарио не е можно со оглед на тоа што во напад ги имаа Роналдо, Виери и Рекоба, им се случи кошмар.

Лацио - Интер 4:2, Удинезе - Јувентус 0:2. Полошо не можеше да биде за тренерот Купер, претседателот Морати, тимот и навивачите кои беа во солзи исто како нивниот миленик Роналдо, коj поради тие 90 минути од неговата кариера остана без ниту една титула во Серија А.

И по 15 години навивачите на Јувентус им фаќаат сеир.