Хуманитарна изложба цртежи на Отец Пимен
Вечерва (среда. 5.10.2016) во Подрум (ТЦ БУњаковец) се отвoра изложба на цртежи работени на скеч гуру - мали формати.
Наслов: „Балерините и нивната публика“
Автор: Отец Пимен
Приходите собрани од продажбата на цртежите, ќе бидат наменети за помош на Александар.
******
До сојот е
Кај ќе бегаш?
Знаеш дека генот фалсификат не бива.
Ако не од прва ама кај и да е еве ти го.
Ќе покаже рогови.
Ќе те ѕвекне од негде.
А ти ако знаеш историја
И генеза
Нема шо да се чудиш.
А мисли си ти
Дека нешто многу си талентиран
Е арно ама не знаеш од каде.
Демек свириш, пееш, црташ...
А дедо, прадедо?
Та нели едниот бил боем
Дома не се прибирал?
Другиот нели фотографирал
Уште пред Манаки душа да пушти?
А првата фусармоника во Ресен кој ја донел си прашал?
А првото радио таму
Кога цар Борис се упокои '43 чинам
Кој го донесе?
И кој со др. Црцар слушаше вести
Кога татко ти и чичковците вртеа
И со индукција струја правеа
За радио слободна Европа да слушаат?
И кој кумендии му правеше?
И кој чоечиња шо пеат во расклопено радио бараше?
И кој низ Софија масло на платно редеше
Ако не чичко ти?
И кој брод од дрво со свои раце направи
За водите езерски да ги цепи
И чалам морнарски да тера
Ако не татко ти и другиот чичко?
И кој мемоари фамилијарни пишувал
Ако не третиот?
А кој цела ревиера забавувал
И засмејувал?
Кој бе копук еден те научил
Да црташ?
Чиј беше саксафонот кој уште кога беше
Поголем од тебе ти го даваше
Да го свириш?
А кларинетот?
И кој ја испеа најдобро
Била је тако љепа
во Преспата?
И кој...
Е тие де.
Тие што дух ти вдахнаа.
А ти ај биди маж
И кажи
Море батали
Јас сум фраерот
Јас сум првиот.
Тука кажи им фала на Бога
И предците за генот.
Па какви и да се.
Отец Пимен