Време на подготовка:
15 мин.
Време на готвење:
40 мин.
Вкупно време:
55 мин.
Порции
4 лица
Состојки
- 2 лажици маслиново масло
- 1 поголем кромид, сецкан
- 300гр. сладок компир, излупен и крупно изрендан
- 2 чешниња лук, исецкани
- 4 јајца
- 2 белки од јајце
- 40гр. брашно
- 125гр. урда
- 250гр. рендани тиквици
- 2 лажици ситно сецкан млад кромид
- 2 лажици сецкан магдонос
- 240гр. чери домати
- рукола
- оцет балсамико
Подготовка
Загрејте ја рерната на 180 степени. Премачкајте со малку масло правоаголно тавче и обложете го со хартија за печење.
Загрејте го маслото во тава на силен оган. Испржете го кромидот 3 минути за да омекне. Додадете го слаткиот компир и пржете 3-4 минути. Потоа додадете лук и гответе уште 1 минута.
Изматете ги јајцата, белките од јајца и брашното. Додадете урда и добро измешајте. Во оваа смеса додадете ги пржениот сладок компир со кромид и лук. На крај додадете ги ренданите тиквици, кромид и магдонос и добро измешајте ја смесата.
Префрлете ја смесата во тавчето и печете 25-30 минути додека да добие златно жолта боја.
Во меѓувреме ставете ги доматите на плех, премачкајте ги со масло и печете ги 10 минути за да омекнат.
Послужете го специјалитетот со потпечени домати и рукола зачинета со оцет балсамико.
