Печен компир во сок од лимета

Порции

6 лица

Состојки

• 1 кг. помали компири
• 1 лажица маслиново масло
• ½ лажичка сол
• 1 лажица сок од лимета
• 1 лажица сок од лимон
• 2 лажички маслиново масло
• 2 лажици свеж сецкан кориандер

Прелив

• црвен пипер
• оригано
• сол
• оцет балсамико
• лута сува пиперка
• 1 чешне лук

Подготовка

Загрејте ја рерната на 200 степени.

Измијте ги компирите и исечете ги на половинки. Наредете ги во плех обложен со хартија за печење. Зачинете ги со една лажица маслиново масло. Додадете сол и промешајте ги. Печете ги во загреана рерна 35 минути додека да добијат златно-жолта боја.

Додека се печат компирите подгответе го преливот. Во еден поголем сад исецкајте ја сувата лута пиперка на многу ситни парчња. Додадете црвен пипер, оригано, сол и оцет балсамико. Добро измешајте ја смесата. Потоа додадете едно чешне лук, ситно исецкан. На крај додадете ги сокот од лимон и од лимета и две лажички маслиново масло. Измешајте го преливот за добро да се соединат состојките. 

Кога компирите ќе се испечат, додека се сеуште жешки, додадете ги во садот со преливот и измешајте ги. Зачинете ги со свеж кориандер и послужете ги топли.