Свинско со краставици

Порции

4 лица

Состојки

• 1кг. свинско
• 3 главици млад кромид, ситно сецкан
• 1 краставица, исечена на тенки парчиња
• 1 луто пиперче, ситно исецкано, без семе
• 2 лажици сецкани ливчиња нане
• 2 лажици сецкан магдонос
• 2 лажици сецкан босилек
• 2 лажици искршени печени солени кикирики

Прелив

• 2 лажици соја сос
• 2 лажици сок од лимета
• 2 лажички шеќер

Подготовка

Загрејте ја рерната на 200 степени.
Избришете го свинското со хартиена салфетка и истријте го со 1 лажичка морска сол. Ставете го во длабока тава за печење и прелијте го со вода.
Печете го во загреана рерна 2 часа. Повремено со лажица преливајте го со водата во која се пече. Кога водата ќе испари и месото е испечено, извадете го од рерна и оставете го да се излади.
Исечете го свинското месо на мали коцки. Во сад измешајте соја сос, сок од лимета и шеќер. Мешајте додека да се раствори шеќерот.
Во длабок сад за сервирање измешајте го свинското, сецкани краставици, кромид, луто пиперче, нане, магдонос и босилек. Прелијте ги состојките со приготвениот прелив од соја. Добро промешајте ја салатата. Додадете ги издробените кикирики и послужете ја салатата веднаш.
На здравје!